नगरपालिका निवडणुका या कार्यकर्त्यांच्या असतात. जे कार्यकर्ते आपल्यासाठी राबतात, त्यांच्या पाठीशी उभे राहण्याचा निर्णय आम्ही तिघांनी घेतला. सर्व ठिकाणी युती शक्य नव्हती. जिथे शक्य होते तिथे युती केली. काही ठिकाणी वेगळे लढलो. मी मुख्यमंत्री असलो तरी दहा हजार लोकसंख्येच्या गावात जाऊन प्रचार करून आलो.
वर्षभरातच चांगले फर्निचर गोदामात; हिवाळी अधिवेशनात पैशांची उधळपट्टी, ४० कोटींचा अनावश्यक खर्च
१८ विधेयके सादर होणार
हिवाळी अधिवेशनाच्या पूर्वसंध्येला फडणवीस यांनी अधिवेशनाबाबत माहिती दिली. ‘विधिमंडळाच्या हिवाळी अधिवेशनात लहान-मोठी मिळून एकूण १८ विधेयके मांडली जाणार आहेत. या विधेयकावर चर्चा करून ती मंजूर केली जातील. स्थानिक स्वराज्य संस्थांच्या निवडणूक आचारसंहितेमुळे अधिवेशनाचा कालावधी कमी आहे. तरीही शनिवारी, रविवारी सुट्टीच्या दिवशी कामकाज केले जाणार आहे. अधिवेशनातून पळून जाण्याची सरकारची मानसिकता नाही’, असेही मुख्यमंत्री फडणवीस यांनी स्पष्ट केले.

इन्स्टाग्रामवर फोटो टाकतो
मुख्यमंत्री आणि तुमच्यात बेबनाव असल्याबाबत विचारले असता शिंदे यांनी उपहासात्मक उत्तर दिले. ‘आता आम्ही रोज एकमेकांशी काय बोलतो त्याचे रेकॉर्डिंग तुम्हाला पाठवतो. नाही तर रोज फोटो काढून इन्स्टाग्रामवर टाकतो किंवा हास्यजत्रेतेच आम्ही जातो’, असेही ते म्हणाले.
‘एकनाथ शिंदे यांच्यामुळे भाजप सत्तेत’, मंत्री शंभूराज देसाई यांचं मोठं वक्तव्य
विरोधकांनी चिंतन करावे
विरोधक विरोधी पक्षनेता पाहिजे म्हणतात; पण जनतेनेच त्यांना झिडकारले आहे. विरोधी पक्षनेता व्हावे, इतकेही संख्याबळ जनतेने त्यांना दिले नाही. त्यामुळे त्यांनी आत्मचिंतन आणि आत्मपरीक्षण करावे. आम्ही विरोधी पक्षाला कमी लेखत नाही. आम्ही त्यांचा सन्मान करतो; पण पुढील वेळी निदान विरोधी पक्षनेते पद मिळेल या दृष्टीने त्यांनी प्रयत्न करावेत,’ असा टोला उपमुख्यमंत्री एकनाथ शिंदे यांनी या वेळी लगावला.