उमरगा हाडगा येथील जगदीश लोभे हे हल्ल्यात गंभीर जखमी झाले आहेत. प्रारंभी दोन्ही गटांमध्ये जमिनीच्या मोजमाप, सीमारेषा आणि व्यवहारांवरून वाद सुरू होता. काही मिनिटांतच वादाचा सूर चढला, शिवीगाळ झाली आणि अचानक आरोपीने संतापत धारदार शस्त्र बाहेर काढले. प्रत्यक्षदर्शींनी सांगितले की, आरोपीने थेट लोभेंच्या मानेवर जोरदार वार केला. वार एवढा खोलवर होता की, रक्ताचा फवारा उडाला आणि लोभे किंचाळत जमिनीवर कोसळले. हा क्षण पाहणारे काही लोक भीतीने मागे सरकले, तर काहींनी जीव मुठीत धरून मदतीसाठी धाव घेतली.

Devendra Fadanvis: नागपुरात राजकीय तापमान वाढलं! ‘विरोधक दिशाहीन’ चहापान बहिष्कारावर फडणवीसांची जोरदार टीका

जखमी अवस्थेत असलेल्या जगदीश लोभेंना प्रथम स्थानिक दवाखान्यात नेण्यात आले. पण प्रकृती जास्त बिघडत असल्याने त्यांना तातडीने लातूर येथील खासगी रुग्णालयात हलवण्यात आले. डॉक्टरांनी शस्त्रक्रिया करून जखम टाके घातले असून अद्यापही त्यांच्या प्रकृतीबाबत संभ्रम व्यक्त केला जात आहे. पुढील 24 तास अत्यंत महत्त्वाचे असल्याचे वैद्यकीय सूत्रांनी सांगितले.

दरम्यान आरोपीने वार करून घटनास्थळावरून पळ काढला. पोलिसांनी त्याच्या शोधासाठी तातडीने पथक स्थापन केले असून परिसरातील सीसीटीव्ही फुटेज, मोबाईल लोकेशन आणि घटनास्थळावरील साक्षीदारांची माहिती तपासली जात आहे. प्रारंभी मिळालेल्या माहितीनुसार ही जमीन काही महिन्यांपासून वादात होती आणि याच संतापातून हल्ला झाल्याची शक्यता पोलिसांनी वर्तवली आहे.

घटनेमुळे निलंगात दहशतीचे वातावरण निर्माण झाले असून नागरिकांमध्ये संतापाची लाट उसळली आहे. स्थानिकांनी पोलिसांना शहरात गस्त वाढवण्याची मागणी केली आहे. कायदा आणि सुव्यवस्थेच्या प्रश्नावर आता प्रशासन कोणती भूमिका घेणार, याकडे सर्वांचे लक्ष लागले आहे.