पोलिसांनी केलेल्या तपासात असे समोर आले की, हे दोघेही त्यांच्या ॲक्टिव्हा स्कूटीमध्ये बनावट नोटांचा साठा आणि त्या तयार करण्यासाठी लागणारे प्रिंटर, कागद, शाई यांसारखे साहित्य घेऊन फिरत होते. पेण शहरातील दुकानांमध्ये या बनावट नोटा वापरून किरकोळ खरेदी करणे आणि त्या बदल्यात खऱ्या नोटा परत घेणे, अशी त्यांची पद्धत होती.

Parbhani News : भरधाव क्रेटाची स्विफ्टला समोरासमोर धडक; तीन जागीच ठार, वसमत रस्त्यावर दुर्दैवी घटना

एका दुकानदाराने, फिर्यादी गिरीष गणेश पाटील यांनी, त्यांच्या दुकानात बनावट नोट दिल्याचे लक्षात येताच तात्काळ पोलिसांना माहिती दिली. यानंतर गुन्हा रजि. नं. ३८/२०२२ दाखल करण्यात आला.

या प्रकरणाचा तपास अत्यंत वैज्ञानिक पद्धतीने करण्यात आला. पंच साक्षीदार, घटनास्थळाचा पंचनामा, जप्त केलेल्या नोटांचे तांत्रिक विश्लेषण आणि पोलिसांच्या तातडीच्या कारवाईमुळे आरोपींचे गुन्हे न्यायालयासमोर ठोसपणे सिद्ध झाले. या खटल्यात अति. सरकारी अभियोक्ता श्रीमती कोमल राठोड यांनी प्रभावी युक्तिवाद केला. त्यांनी १३ महत्त्वाच्या साक्षीदारांची तपासणी करून आरोपींनी बनावट चलन तयार केले, बाळगले आणि वापरले हे निर्विवादपणे सिद्ध केले. न्यायालयाने तपास अधिकारी पोलीस निरीक्षक डी.आर. पोळ यांच्या तपासाचे विशेष कौतुक केले.

न्यायालयाने भारतीय दंड विधान (भादंवि) कलम ४८९(अ), ४८९(ब), ४८९(क) आणि ४८९(ड) अंतर्गत दोन्ही आरोपींना प्रत्येकी ३ वर्षे सश्रम कारावास आणि २०,००० व १५,००० रुपयांचा दंड सुनावला. दंड न भरल्यास त्यांना अतिरिक्त कारावास भोगावा लागेल. या शिक्षेमुळे बनावट चलन तयार करून अर्थव्यवस्थेला धोका निर्माण करणाऱ्यांना एक कडक संदेश मिळाला आहे, अशी प्रतिक्रिया नागरिकांमध्ये उमटत आहे. पेण पोलिसांच्या या कारवाईचे सर्वत्र कौतुक होत आहे.