फिर्यादीचा चुलत भाऊ बाबाराव दतराव साखरे हा स्विफ्ट डिझायर कार क्रमांक – एमएच ३८ एडी ३५४१ या वाहनातून आरळ येथून परभणीच्या दिशेने येत असताना समोरून येत असलेली क्रेटा कार क्रमांक – एमएच २२ बीसी ७८८८ च्या चालकाने निष्काळजीपणे आणि भरधाव वेगात कार चालवून समोरून जोरदार धडक दिली.

Uddhav Thackeray : ‘…तर उपमुख्यमंत्रीपदही रद्द करा’, उद्धव ठाकरेंची सरकारकडे मोठी मागणी

या अपघातात फिर्यादीचा चुलत भाऊ बाबाराव दतराव साखरे रा. आरळ ता. वसमत, विमलबाई बालासाहेब जाधव रा. पिंगळी ता. परभणी आणी कांताबाई अंबादास कातोरे रा. आरळ ता. वसमत हे घटनास्थळीच मुत्यु पावले. तर त्यांच्या सोबतचे साईनाथ रामचंद्र काकडे रा. आरळ ता. वसमत, हरी बालासाहेब जाधव रा. पिंगळी ता. परभणी हे दोघे गंभीर जखमी झाले. त्यांना परभणी येथील शासकीय रुग्णालयात दाखल करण्यात आले आहे.

घटनेची माहिती मिळताच ताडकळस पोलिसांचे सहाय्यक पोलिस निरीक्षक गजानन मोरे, रणखांब, रन्हेर, चोरघडे यांनी घटनास्थळी भेट दिली. या प्रकरणी सखाराम सटवाजी साखरे रा. आरळ ता. वसमत यांच्या फिर्यादीवरून क्रेटा कार क्रमांक एमएच २२ बीसी ७८८८ च्या चालकावर भारतीय न्याय संहिता कायद्याच्या अनुच्छेद १०६(१), २८१, १२५(अ) आणी १२५(ब) नुसार ताडकळस पोलिसांत शनिवारी गुन्हा दाखल करण्यात आला आहे. पुढील तपास ताडकळसचे ठाणेदार सहायक पोलिस निरीक्षक गजानन मोरे हे करीत आहेत.

दरम्यान, या घटनेनंतर रस्ते प्रवासात होणाऱ्या अपघातांचा आणि मृतांचा प्रश्न किती गंभीर आहे हे पुन्हा एकदा अधोरेखित झाले आहे.