19 वर्षीय मुलाने उचलले टोकाचे पाऊल

यामध्ये पहिली घटना चिपळूण तालुक्यातील बोरगाव वेलेवाडी येथील आहे. इथे एका 19 वर्षीय महाविद्यालयीन युवकाने गळफास घेऊन आत्महत्या केली आहे. ही घटना 30 नोव्हेंबर रविवारी घडली असून ओंकार मंगेश हुमणे असे या तरुणाचे नाव आहे. ओंकार हा गुहागर तालुक्यातील एका महाविद्यालयात वाणिज्य शाखेत शिकत होता. रविवारी दुपारी 3 वाजण्याच्या सुमारास त्याने आपल्या घराच्या शेजारी असणार्‍या बंद घरातील पडवीमध्ये गळफास लावून आत्महत्या करण्याचा प्रयत्न केला. यामध्ये तो अंत्यवस्थ झाला व रुग्णालयात नेण्यापूर्वीच त्याचा मृत्यू झाला.Pune News : आपला श्रेयस क्लासमध्येच… पुण्यात अकरावीच्या विद्यार्थ्यासोबत आक्रित, शेलार कुटुंबावर शोककळा, आता डोळे…

या नंतर उपविभागीय पोलिस अधिकारी प्रकाश बेले, पोलिस निरीक्षक फुलचंद मेंगडे घटनास्थळी दाखल झाले. सायंकाळी उशिरापर्यंत जाव जवाब नोंदवण्याचे काम सुरू होते. पण तरीही आत्महत्येचे कारण समजू शकले नाही. दरम्यान, ओंकारचा मृतदेह पोस्टमार्टमसाठी चिपळूण कामथे येथील उपजिल्हा रुग्णालयात नेण्यात आला. त्याच्या या दुर्दैवी मृत्यूने बोरगाव परिसरातून हळहळ व्यक्त करण्यात येत आहे.

इंजिनियरिंगच्या विद्यार्थ्याची आत्महत्या

दुसरी घटना चिपळूण शहर परिसरातील मार्कंडी भागात एका 23 वर्षीय तरुणाने राहत्या घरी गळफास घेऊन आयुष्य संपवले आहे. घटना शनिवारी 29 नोव्हेंबरला दुपारी समोर आली. अचानक घडलेल्या या प्रकारामुळे परिसरात खळबळ उडाली असून आत्महत्येमागील कारण अद्याप स्पष्ट झालेलं नाही. मृत तरुणाची ओळख शुभम रवींद्र सावर्डेकर (वय 23) अशी आहे. इंजिनिअरिंगचं शिक्षण घेत असलेल्या शुभमने घरातील इतर सदस्य बाहेर असताना त्याने हा टोकाचा निर्णय घेतल्याचे सांगितले जाते.

घटनास्थळाची पाहणी करण्यासाठी पोलिसांनी तातडीने धाव घेतली. शुभमचे वडील रवींद्र सावर्डेकर हे कोकण रेल्वे सेवेत कार्यरत असून कुटुंबावर दुःखाचा डोंगर कोसळला आहे. शुभमच्या पश्च्यात आई-वडील आणि एक बहीण असा परिवार आहे. या दुर्दैवी घटनेने चिपळूण शहर परिसरातून हळूहळू व्यक्त केली जात आहे.