तलाठी व नगरपंचायत निवडणूक केंद्र प्रमुख देवानंद हरिचंद डोये (वय ४७, रा. रामकृष्णनगर, दिघोरी) यांनी दिलेल्या तक्रारीवरून हा गुन्हा दाखल करण्यात आला. कुही तालुक्यातील भटरा येथे गेल्या तीन वर्षांपासून डोये हे कार्यरत आहेत. मंगळवारी मतदान प्रक्रियेसाठी ते सहकाऱ्यांसह तरोडी येथील केंद्रावर कार्यरत होते. दुपारी ३.३० वाजताच्या सुमारास उमेदवार छाया धनेश गौतम, बबिता संजय गौतम व सीमा नामदेव पटले हे मतदान केंद्रात उपस्थित होते. यावेळी अवंतिका लेकुरवाळे व त्यांचे १२ समर्थक मतदान केंद्रात आले. त्यांनी आरडाओरड करीत मतदान बंद करण्याची मागणी केली. डोये यांनी त्यांना बाहेर जाण्याची विनंती केली. त्यानंतरही लेकुरवाळे व त्यांचे समर्थक आरडाओरड करायला लागले.

डोये यांनी निवडणूक निर्णय अधिकारी अमित घाडगे यांना माहिती दिली. ते तेथे आले. त्यानंतर समजूत घालून लेकुरवाळे व त्यांच्या समर्थकांना बाहेर काढण्यात आले. सायंकाळी ५.३० वाजता मतदान प्रक्रिया संपली. सायंकाळी ६ वाजताच्या सुमारास लेकुरवाळे पुन्हा समर्थकांसह तेथे आल्या, गोंधळ घातला. या मतदान केंद्रावर बोगस मतदान झाल्याचा आरोप केला. डोये यांना धमकी दिली. डोये यांनी पारडी पोलिसांत तक्रार दिली. पोलिसांनी लोकप्रतिनिधीत्व अधिनियमासह विविध कलमान्वये गुन्हा दाखल करून तपास सुरू केला आहे.देशभरात विमान सेवेवर मोठा परिणाम, अनेक ठिकाणी उड्डाणे रद्द, नागपूरमध्ये सहा विमाने रद्द, कारण काय?
महिलेद्वारे बोगस मतदानाचा प्रयत्न
जुनी कामठीतील नगरपरिषदेच्या तिलकधारी हिंदी मराठी प्राथमिक शाळेतील बुथ क्रमांक एकमध्ये महिलेने बोगस मतदानाचा प्रयत्न केला. याप्रकरणी मोमिनपुऱ्यातील एका महिलेविरुद्ध गुन्हा दाखल करण्यात आला. मंगळवारी बुथवर मूळ मतदार महिलेऐवजी मोमिनपुऱ्यातील महिला मतदानासाठी आली. आपणच मूळ मतदार असल्याचा दावा तिने केला. येथील अधिकाऱ्यांनी तिला ओळखपत्र मागितले. मात्र, तिने आवश्यक ते दस्तऐवज सादर केले नाहीत. त्यामुळे या महिलेविरुद्ध गुन्हा दाखल करण्यात आला.