मुंढवा येथील कोट्यवधीच्या जमीन गैरव्यवहार प्रकरणात मुख्य सूत्रधार म्हणून समोर आलेल्या शीतल तेजवानीला पुणे पोलिसांनी अटक केली आहे. या प्रकरणातील तपासाचा वेग वाढवल्यानंतर पोलिसांनी शीतल तेजवानीची याआधी दोन वेळा चौकशी केली होती. चौकशीत उघड झालेल्या बाबींवरून तिचा थेट सहभाग असल्याचे स्पष्ट झाल्यावर अखेर अटकेची कारवाई करण्यात आली.
नेमकं प्रकरण काय?
पुण्याच्या कोंढवाच्या कोरोगाव आयटी पार्क येथील जमीन पार्थ पवार यांच्या अमेडिया कंपनीने खरेदी केली होती. संबंधित जमिनीच्या पॉवर ऑफ अॅटर्नी शीतल तेजवानी या होत्या. त्यांनी पॉवर ऑफ अॅटर्नीचा वापर करुन शासकीय जमीन एका खासगी कंपनीच्या नावावर केली होती. आर्थिक गुन्हे शाखेने शीतल तेजवानी हिला दोन वेळा चौकशीसाठी बोलावलं होतं. तिची चौकशी देखील झाली होती.शीतल तेजवानी हिच्याकडे पोलिसांनी वारंवार कागदपत्रांची मागणी करुनही ओरिजनल कागदपत्रे सादर केले जात नव्हते. त्यामुळे शीतल तेजवानी हिने शासनाची फसवणूक केल्याचं पोलिसांच्या तपासात उघड झाल्याचं बोललं जात आहे. शीतल तेजवानी हिने खोट्या कागदपत्रांचा वापर करुन पॉवर ऑफ अटर्नी बनवण्यात आली. त्यातून शासकीय जमीन खासगी कंपनीला विक्री करण्यात आली.
सांगलीच्या आष्टामध्ये EVM ठेवलेल्या हॉलबाहेर मोठा राडा, कालच्या मतदानानंतर 2 हजार मतं वाढल्याचा आरोप
या प्रकरणात शीतल तेजवानी हिची दोन वेळा चौकशी झाली होती. त्यापैकी एकेदिवशी साडेचार तास कसून चौकशी झाली होती. पोलिसांनी सखोल तपास केल्यानंतर आता शीतल तेजवानी हिला अटक केली आहे. शीतल तेजवानीच्या अटकेनंतर आता या प्रकरणात काय-काय माहिती समोर येते? ते पाहणं महत्त्वाचं आहे.
अंजली दमानिया यांची प्रतिक्रिया काय?
सामाजिक कार्यकर्त्या अंजली दमानिया यांनी शीतल तेजवानी यांच्या अटकेवर प्रतिक्रिया दिली आहे. “तेजवानी यांना अटक झाली ते खूप बरं झालं. कारण आता सगळ्या गोष्टी बाहेर येतील. या फ्रॉडला नेमकी कशी सुरुवात झाली होती, त्याची माहिती समोर येईल. अमेडिया कंपनीला फ्रॉड डॉक्यूमेंट बनवून हा व्यवहार झाला होता. हा व्यवहार कसा झाला? याबाबत सर्व माहिती समोर येईल. या बाई अशा सर्व व्यवहार करायच्या. त्यांची माहिती मी ईओडब्ल्यूच्या अधिकाऱ्यांना पाठवली होती”, अशी प्रतिक्रिया अंजली दमानिया यांनी एका वृत्त वाहिनीला दिली.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा