पीडित मुलगी दहावीत शिकत असून आरोपीशी तिची ओळख सोशल मीडियावरून झाली होती. हळूहळू त्यांची मैत्री वाढली. तिच्याकडून तिच्याबद्दल माहिती बाहेर काढून, आरोपीने तिच्या शाळेबाहेर थांबून वारंवार पाठलाग करण्यास सुरूवात केली. एकदा तर रस्त्यात चालताना मुलीचा हात पकडत, ‘माझ्यासोबत चल, नाही तर तुझे आई-वडील गायब करीन,’ अशी धमकीही दिली.

Pune Crime : मुलींचे आजारपण दूर करायला कोथरुडच्या दाम्पत्याचे 14 कोटी लाटले, आरोपींचे 1139 संशयित बँक व्यवहार, वेदिकाने तर…

धमकावणे, शिवीगाळ आणि पाठलाग सुरूच ठेवत आरोपीने एका दिवशी मुलीला जबरदस्तीने दुचाकीवर बसवले आणि बांधकामाच्या निर्जन ठिकाणी नेऊन तिच्यावर अत्याचार केला. इतक्यात न थांबता, आरोपीने मुलीची सहामाही परीक्षा संपल्यावर तिच्यावर सतत आत्याचार करण्यात आले होते. यानंतर मुलीने त्याला भेटण्यास नकार द्यायला सुरूवात केली. तो तिला तरीही जबरदस्तीने भेटायला बोलवायला लागला.

दोन दिवस बळजबरीने मुलीला बसवून ठेवले

परंतू, अत्याचारानंतर मुलीने त्याला भेटण्यास नकार दिल्यावर आरोपीने पुन्हा तिला पकडले. पकडून तिला परत त्याच बांधकामाच्या ठिकाणी घेऊन गेला. यानंतर दोन दिवस पीडितेला तिथे बसवून ठेवण्यात आले होते. तिथे मुलीवर सतत अत्याचार करत, तिला शिवीगाळ केली आणि त्याचबरोबर तिचा मानसिक छळ सुद्धा करण्यात आला होता.

या सर्व धक्कादायक प्रकारांनंतर अखेर पीडित मुलीने धैर्य दाखवत पोलिसांत तक्रार दिली. आरोपीचे नाव साहिल त्र्यंबके-जाधव (रा. तपोवन रोड, सावेडी) असे असून त्याच्यावर तोफखाना पोलिस ठाण्यात गुन्हा दाखल करण्यात आला आहे. पोलिसांनी आरोपीवर विनयभंग, धमकी, अपहरणासमान कृत्य आणि अल्पवयीन मुलीवर अत्याचार या गंभीर गुन्ह्या पोलीस ठाण्यात दाखल केला आहे. या संपूर्ण प्रकारामुळे परिसरात खळबळ उडाली असून, सोशल मीडिया द्वारे मुलींना फसवून करण्यात आलेल्या गुन्ह्यांमध्ये वाढ झालेली दिसून येते आहे.