दिव्या आणि संतोष हे दोघे रुबी हॉल क्लिनिक हॉस्पिटलमध्ये पॅथॉलॉजीमध्ये लॅब टेक्निशन म्हणून नोकरी करत होते. दिव्या हिचे वडील येरवडा पोलिस ठाण्यात नेमणुकीला आहेत. संतोष आणि दिव्या या दोघांची चांगली मैत्री होती. दीड वर्षांपूर्वी संतोष याने दिव्या हिला प्रेमाची मागणी घातली होती. त्या वेळी दिव्या हिने घरच्यांना ही गोष्ट सांगितली होती. मात्र, कुटुंबीयांनी नकार दिला होता. पण दोघे एकाच ठिकाणी कामाला असल्याने दोघांच्या मैत्रीचे प्रेमात रूपांतर झाले.
Sharad Pawar: शरद पवारांच्या बालेकिल्यातून ‘तुतारी’ गायब? ना प्रचारात नेता, ना सर्व ठिकाणी उमेदवार, जिल्ह्यात काय घडतंय?
येत्या १५ डिसेंबरला दिव्या हिचा विवाह ठरला होता. त्यासाठी तिच्या वडिलांनी सुट्टी काढली होती. शनिवारी दिव्या घरच्यांना चित्रपट पाहायला जाणार असल्याचे सांगून संतोष याला भेटण्यासाठी संगमवाडीला त्याच्या घरी आली होती. या वेळी दोघांमध्ये वाद झाल्याने संतोष काळे याने तिचा खून केला आणि मृतदेह घरात ठेवून कुलूप लावून तळेगाव दाभाडे गाठले. शनिवारी मध्यरात्री काळे याने रेल्वेखाली जाऊन आत्महत्या केली. रेल्वे पोलिसांनी माहिती पोलिसांना कळवली.
Pune Crime : ‘साहेब तुम्ही कार चालवू नका, टॅक्सीने घरी जा’; मद्यधुंद IT इंजिनीअरने ऐकलं नाही, काही क्षणात पुण्यातल्या पबमध्ये आक्रित घडलं
त्या वेळी दिव्या हिच्या वडिलांना संतोष काळे याने आत्महत्या केल्याचे समजले. त्यानंतर दिव्याच्या वडिलांनी तिला फोन केला. परंतु, ती घेत नव्हती. रुबी हॉलमध्ये काम करत असल्याने वडिलांनी कोरेगाव पार्क पोलिस ठाण्यात हरविल्याची तक्रार दिली. पोलिसांनी रविवारी मोबाइल लोकेशनवरून तपासला सुरुवात केल्यावर दिव्या हिचे लोकेशन संगमवाडी दाखवत होते. पोलिस दुपारी एक वाजता घटनास्थळी आले. काळे याच्या घराचे कुलूप तोडून त्यांनी आत प्रवेश केल्यावर दिव्या हिचा मृतदेह आढळून आला. तरुणीच्या नाकावर जखम आढळून आली. अंगावर कोठेही जखमा नाहीत. शवविच्छेदन अहवाल आल्यावर मृत्यूचे नेमके कारण समजू शकेल अशी माहिती वरिष्ठ पोलिस निरीक्षक अंजुम बागवान यांनी दिली.
Pune Crime: पुण्यातील विवाहबाह्य लव्ह स्टोरीचा भयंकर अंत; प्रेयसी राणीला फिरायला नेलं, गाडी रस्त्यात थांबवली अन्…

‘पोलिसांना सहकार्य करणार’

दिव्या आणि संतोष हे दोघे रुबी हॉल क्लिनिक हॉस्पिटलमध्ये पॅथॉलॉजीमध्ये लॅब टेक्निशन म्हणून नोकरी करत होते. त्यामुळे रुबी हॉल क्लिनिकच्या कायदेशीर सल्लागार अॅड. मंजुषा कुलकर्णी यांनी याबाबत निवेदन प्रसिद्ध करून घडलेल्या घटनेबद्दल दुःख व्यक्त केले. या प्रकरणाचा पोलिस तपास सुरू आहे. पोलिसांना चौकशीसाठी आम्ही सहकार्य करणार असल्याचे निवेदनात म्हटले आहे.