फरताळे कुटुंबात गेल्या काही दिवसांपासून जमिनीवरून वाद सुरू होता. शुक्रवार रात्री हा वाद अधिक चिघळला. याच रागाच्याभरात आरोपी निशिकांत उर्फ पिनू शहादेव फरताळे याने त्याचा भाऊ सचिन शहादेव फरताळे यांच्या डोक्यावर लाकडी दांड्याने प्राणघातक हल्ला केला. या हल्ल्यात सचिन फरताळे गंभीर जखमी झाले. मात्र, या हल्ल्याची तीव्रता इतकी होती की, सकाळी त्यांना रक्ताच्या उलट्या झाल्या आणि काही वेळातच त्यांचा दुर्दैवी मृत्यू झाला. जमिनीच्या वादातून सख्या भावानेच भावाचा जीव घेतल्याने परिसरात शोकाकुल वातावरण पसरलं आहे.

Nanded Murder Case : तुझ्या बहिणीचं ज्याच्यासोबत लफडं त्याला…; प्रियकर सक्षमला मारण्याआधी पोलीस चौकीत धक्कादायक घटनाक्रम, आंचलने सांगितली A to Z स्टोरी

आईच्या तक्रारीवरून गुन्हा

या संपूर्ण घटनेबाबत मृतकाची आई यांनी पेठ बीड पोलीस ठाण्यात तक्रार दाखल केली आहे. त्यांनी दिलेल्या माहितीनुसार, निशिकांत उर्फ पिनू फरताळे याने लाकडी दांड्याने डोक्यावर वार करून सचिन यांचा खून केल्याचं स्पष्ट झालं आहे. याप्रकरणी पेठ बीड पोलिसांनी गु.र.न. 338/2025 अंतर्गत भारतीय न्याय संहिता (BNS) नुसार कलम 103(1), 118(1), 115(2), 351(2), 351(3) अन्वये खुनाचा गुन्हा दाखल केला आहे.

Pune Crime : ‘साहेब तुम्ही कार चालवू नका, टॅक्सीने घरी जा’; मद्यधुंद IT इंजिनीअरने ऐकलं नाही, काही क्षणात पुण्यातल्या पबमध्ये आक्रित घडलं

पोलिसांची तत्पर कारवाई

खुनाच्या घटनेनंतर आरोपी निशिकांत फरताळे हा घटनास्थळावरून फरार झाला होता. परंतु, या गंभीर गुन्ह्याचे गांभीर्य लक्षात घेऊन पेठ बीड पोलीस स्टेशनच्या पथकाने तात्काळ शोधमोहीम सुरू केली. अंमलदार अजय सानप आणि अल्ताफ शेख यांनी कसोशीने तपास करत अवघ्या काही तासांतच आरोपीला मोठ्या शिताफीने ताब्यात घेतलं.
पोलिसांनी दाखवलेल्या या जलद आणि तत्पर कारवाईमुळे नागरिकांनी त्यांचे कौतुक केलं आहे. या घटनेमुळे जमिनीच्या वादातून होणारे टोकाचे परिणाम पुन्हा एकदा समोर आले आहेत.