Maharashtra Local Body Election Politics : सोलापूरमध्ये आज राज्याचे मुख्यमंत्री देवेंद्र फडणवीस यांचं भाषण झालं. 2 डिसेंबरला होणाऱ्या नगरपरिषद आणि नगरपंचायत निवडणुकीच्या पार्श्वभूमीवर या सभा आणि भाषणांचा सपाटा सुरुय.
अक्कलकोटमध्ये तगडी लढत
भाजप आमदार सचिन कल्याणशेट्टी यांनी स्वतःच्या भावाला नगराध्यक्ष पदाच्या निवडणुकीत उभे केलं आहे. मिलन कल्याणशेट्टी असं भाजप आमदाराच्या बंधूचे नाव आहे. भाजप आमदार सचिन कल्याणशेट्टी यांची प्रतिष्ठा पणाला लागली आहे. शिवसेना शिंदे गटाकडून रईस टिनवाला आणि काँग्रेसकडून अश्फाक बळोरगी हे तगडे उमेदवार रिंगणात उभे आहेत. अक्कलकोट शहरात मुस्लिम आणि लिंगायत मतदारसंख्या अधिक असल्यानं दोन समाजावर जास्त लक्ष केंद्रित केलं जात आहे.
Pune Crime: पुण्यात धक्कादायक घटना! प्रियकर-प्रेयसी भेटल्यानंतर अचानक भाऊ मित्रांनी घेऊन आला, नंतर भर चौकात…
नवीन तारखांसह प्रक्रिया पुन्हा सुरू; मात्र…
दरम्यान, राज्यातील काही नगरपरिषदांच्या निवडणुका जिल्हा न्यायालयातील प्रलंबित याचिकांमुळे पुढे ढकलण्याची वेळ आली होती. उमेदवारी अर्जांवरील विविध कायदेशीर वादांच्या निकालांना विलंब झाल्यानं राज्य निवडणूक आयोगाने काही ठिकाणच्या निवडणुका स्थगित करण्याचा निर्णय घेतला. 22 नोव्हेंबरपर्यंत निकाल न लागलेल्या ठिकाणचे मतदान पुढे ढकलण्यात आलं आहे. अहिल्यानगर जिल्ह्यातील 11 नगरपरिषदांपैकी पाथर्डी नगरपरिषदेची निवडणूकही या स्थगित निवडणुकांमध्ये समाविष्ट होती. नगराध्यक्ष पदाच्या उमेदवारीवर प्रलंबित अपील असल्याने ही प्रक्रिया थांबवण्यात आली होती.
Raigad News: महाड हादरले! महिला बेपत्ता होण्याचे सत्र सुरूच, ‘भाजी घेऊन येते’ सांगून गेलेली जहरीना परतलीच नाही
निवडणूक आयोगाचा सुधारित कार्यक्रम जाहीर
10 डिसेंबरला उमेदवारी मागे घेण्यासाठी शेवटचा दिवस आहे. 20 डिसेंबरला मतदान होणार तसेच 21 डिसेंबरला मतमोजणी होणार आहे. नवीन तारखा जाहीर झाल्याने पाथर्डी नगरपरिषद निवडणुकीची प्रक्रिया पुन्हा गतीमान झाली आहे आणि मतदारांमध्ये उत्सुकता वाढली आहे.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा