नेमका कसा घडला अपघात?

या अपघाताबाबत मिळालेल्या माहितीनुसार, निर्मला गावित या आपल्या घराजवळ आपल्या नातवाला पायी फिरवत असताना पाठीमागून आलेल्या चारचाकी कारने त्यांना धडक दिली. यात त्या काही हवेत गेल्या आणि खाली कारच्या बोनेटवर कोसळल्या, त्यानंतर त्या खाली पडल्या. यात त्या गंभीर जखमी झाल्यानं त्यांना तात्काळ रुग्णालयात दाखल करण्यात आलं आहे. सध्या त्यांच्यावर एका खासगी रुग्णालयात अतिदक्षता विभागात उपचार सुरु असल्याचं सांगण्यात येत आहे.

सहा महिन्यांपूर्वी लग्न, पण अर्ध्यावरच मोडला संसार; 28 वर्षीय युवकाची अचानक एक्झिट, कुटुंबावर दु:खाचा डोंगर

कोण आहेत निर्मला गावित

निर्मला गावित या मूळच्या काँग्रेसवासी आहेत. त्यांच्या राजकारणाची सुरुवात काँग्रेसमधून झाली आहे. काँग्रेस नेते आणि माजी केंद्रीय मंत्री दिवंगत माणिकराव गावित यांच्या कन्या आहेत. निर्मला गावित या दोनवेळा आमदार राहिल्या आहेत. 2019 मध्ये त्यांनी काँग्रेस सोडून शिवसेनेत प्रवेश केला होता. त्यानंतर, शिवसेनेतील फुटीनंतर एकनाथ शिंदे यांच्या उपस्थितीत त्यांनी शिंदेंच्या शिवसेनेत प्रवेश केला. एकनाथ शिंदे यांच्या मार्गदर्शनाखाली मी 2019 ला शिवसेनेत आल्या होत्या.

निवडणुकीच्या धामधुमीत ठाकरेंच्या शिवसेनेवर शोककळा

मनमाड नगरपरिषदेच्या निवडणुकीची धामधूम सुरू असताना एक दुर्दैवी घटना घडली आहे. प्रभाग क्रमांक 10 अ मधील शिवसेना उद्धव बाळासाहेब ठाकरे पक्षाचे उमेदवार नितीन वाघमारे यांचं हृदयविकाराच्या झटक्याने निधन झालं आहे. या धक्कादायक घटनेमुळे शहरात मोठी खळबळ उडाली असून हळहळ व्यक्त केली जात आहे.

सव्वा वर्षांचा चिमुकला पहिल्या मजल्यावरून कोसळला, पण नंतर चमत्कार झाला; कोल्हापुरातील VIDEO ने सर्वच आश्चर्यचिकत!

मिळालेल्या माहितीनुसार, नगरपरिषद निवडणुकीत प्रचाराला सुरुवात केलेल्या नितीन वाघमारे यांना रात्री त्रास होऊ लागल्याने रुग्णालयात नेण्यात आलं, जिथे त्यांचा मृत्यू झाला. त्यांच्या निधनामुळे या प्रभागातील निवडणूक पुढे ढकलली जाणार का, याकडे सर्वांचं लक्ष लागलं आहे.