नागपूरच्या कन्हान नगर परिषदेच्या निवडणुकीत उपमुख्यमंत्री एकनाथ शिंदे यांच्या शिवसेनेने मोठी राजकीय खेळी केली आहे. काँग्रेसने नगराध्यक्षपदाच्या उमेदवाराने शिंदेंच्या शिवसेनेत प्रवेश केला आहे.
कन्हान नगरपरिषदेतील काँग्रेसच्या नगराध्यक्ष पदाच्या उमेदवाराने अचानक अर्ज मागे घेत उपमुख्यमंत्री एकनाथ शिंदे यांच्या शिवसेनेत प्रवेश केला. या प्रकारामुळे काँग्रेसला मोठा धक्का बसला आहे. आशिष जायसवाल यांनी “मोठी जादू” करूनच काँग्रेसच्या उमेदवाराला आपल्या गळाला लावल्याचा आरोप बर्वे यांनी केला. या घडामोडींमुळे कन्हान नगराध्यक्ष पदासाठी आता काँग्रेसकडे अधिकृत उमेदवारच उरलेला नाही.
काँग्रेसला मोठा धक्का
राजेश यादव हे कन्हान परिसरात प्रभावी नेतृत्व म्हणून ओळखले जातात. दोन वेळा ते निवडून आले होते. नगर परिषद उपाध्यक्ष, नगर काँग्रेस कमिटी अध्यक्ष अशी त्यांनी अनेक पदे भूषवली आहेत. त्यांच्या अचानक निर्णयामुळे कन्हानमधील काँग्रेस कार्यकर्ते आणि स्थानिक पातळीवरील राजकारणाला मोठा धक्का बसला आहे. ही घटना विशेष लक्षवेधी ठरते कारण खासदार श्यामकुमार बर्वे यांचे हेच मूळ गाव आहे.
मालाडच्या मालवणीत भाजपचे कार्यकर्ते प्रचंड आक्रमक, अस्लम शेख यांच्या विरोधात रोष
या परिस्थितीला काँग्रेसने तत्काळ उत्तर दिले. राजेश यादव यांची उमेदवारी परत घेतल्यानंतर त्यांच्या पुतण्या माजी नगरसेवक विनय यादव यांची कन्हान काँग्रेस कमिटी अध्यक्षपदी नियुक्ती करण्यात आली. तसेच प्रभाग क्र. ५ मध्ये विनय यादव यांना अधिकृत पाठिंबा जाहीर करण्यात आला असून काँग्रेसने आता नव्या दमाने निवडणूक लढवण्याची तयारी दाखवली आहे.
श्यामकुमार बर्वे काय म्हणाले?
यावर खासदार श्यामकुमार बर्वे यांनी प्रतिक्रिया दिली. “राज्यमंत्री आम्हाला नैतिकतेचे धडे देतात. पण लोकसभा निवडणुकीत माझ्या विरोधात विद्यमान आमदार उभा केला होता हे ते विसरले आहेत. आज पारशिवनीत काँग्रेसचा उमेदवार घेऊन शिवसेनेचा उमेदवार बनवला जात आहे. सत्ता तुमच्याकडे आहे म्हणून त्याचा गैरवापर करु नका. प्रत्येक नगरसेवकाला फोन करून धमकावणे, अर्ज मागे घेण्यासाठी लालच दाखवणे सुरू आहे. आम्ही हे सहन करणार नाही. दोन तारखेला मतदारच योग्य उत्तर देऊन दाखवतील”, असेही खासदार श्यामकुमार बर्वे म्हणाले.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा