स्थानिक स्वराज्य संस्थांच्या निवडणुकीचा प्रचार शिगेला पोहचला आहे. त्यातच खालच्या पातळीवर सुरु असलेल्या प्रचारावरून अशोक चव्हाण यांनी खंत व्यक्त केली.बापाच्या बापापर्यंत निवडणूक पोहचली आहे. आमच्या बाप्पाची पुण्याई होती. तुमच्या बापाचं काय असा सवाल करत चव्हाण यांनी विरोधकांवर निशाणा साधला. स्व. शंकरराव चव्हाण हे आजरामर होऊन गेले आहे. त्याच्या नावावर मी मत मागत नाही. पण त्याची पुण्याई कोणीही विसरणार नाही असं माजी मुख्यमंत्री अशोक चव्हाण म्हणाले. मुदखेडमध्ये भाजप उमेदवाराच्या प्रचारार्थ आयोजित सभेत ते बोलत होते. त्यावेळी बोलताना त्यांनी विरोधकांवर निशाणा साधला.