चालक आणि वाहकांच्या ‘ओव्हरटाइम भत्त्या’च्या नियमावलीत मोठे बदल केले आहेत. यापुढे ओव्हरटाइम देताना ‘कमी मूळ वेतन’ असलेल्या कर्मचाऱ्यांना प्राधान्य देण्याचे निर्देश दिले आहेत; तसेच ठरावीक कर्मचाऱ्यांनाच जास्त ओव्हरटाइम दिला जात असल्याचे आढळल्यास संबंधित अधिकाऱ्यांवर जबाबदारी निश्चित करून कारवाई केली जाणार आहे.

महामंडळाचे महाव्यवस्थापक (वाहतूक) या संदर्भातील परिपत्रक सर्व विभाग नियंत्रकांना जारी केले आहे. एसटी महामंडळाच्या आर्थिक उत्पन्नात मोठी तफावत वाढत आहे. त्यामुळे दैनंदिन उत्पन्न वाढवण्याच्या संदर्भात घेतलेल्या आढावा बैठकीमध्ये अतिकालीन भत्त्याबाबत होणाऱ्या खर्चावर नियंत्रण नसल्याचे समोर आले. याबाबत कामगार वर्गाकडून अनेक तक्रारी येत असून, काही मर्जीतील ठरावीक चालक, वाहकांनाच हा अतिकालीन भत्ता दिला जातो. त्या बदल्यात आर्थिक देवाणघेवाणदेखील होते, असे आरोप करण्यात आले होते. या पार्श्वभूमीवर अतिकालीन भत्त्यासंदर्भात एक ‘प्रमाण कार्यपद्धती’ वापरली जावी, असे निर्देश त्यांनी दिले आहेत. त्या अनुषंगाने आता खर्चात काटकसर करण्यासाठी आणि पारदर्शकता आणण्यासाठी कडक पावले उचलली आहेत.
पुण्यातील महिलेला कचऱ्यात सापडले 10 लाख, झटक्यात श्रीमंतीची संधी, पण तिने जे केलं ते ऐकून सॅल्यूट ठोकाल
गैरहजेरीवर राहणार करडी नजर
काटकसरीच्या उपायांसोबतच, वारंवार गैरहजर राहणाऱ्या कर्मचाऱ्यांवर कठोर कारवाई करण्याचे निर्देशही देण्यात आले आहेत. गर्दीच्या दिवशी किंवा सणासुदीला रजा घेणाऱ्या कर्मचाऱ्यांच्या रजेच्या कलाचा अभ्यास करून अशा प्रकारांना आळा घालण्यास सांगण्यात आले आहे; तसेच सतत गैरहजर राहणाऱ्यांवर कारवाई केली जाणार आहे.

विशेष नोंदवही ठेवावी लागणार
ओव्हरटाइम वाटपात कोणताही भेदभाव होऊ नये, यासाठी प्रत्येक आगारात एका विशिष्ट नमुन्यात स्वतंत्र नोंदवही ठेवण्याचा आदेश देण्यात आला आहे. या नोंदवहीमध्ये कर्मचाऱ्याचे नाव, बिल्ला क्रमांक, ओव्हरटाइमचा प्रतितास दर आणि रक्कम याची नोंद ठेवावी लागेल. ठरावीक कर्मचाऱ्यांनाच जास्त ओव्हरटाइम दिला जात असल्याचे आढळल्यास संबंधित अधिकाऱ्यांवर जबाबदारी निश्चित करून कारवाई करण्यात येईल
Tamhini Ghat Accident : कुठे चालला रे बाळा? जिमला जातो सांगून निघाला, पप्पांच्या भीतीने फोन बंद केला, ओमकारची आजी धाय मोकलून रडली
या आहेत सूचना
-आगारांनी चालक/वाहकांची अ, ब, क अशी वर्गवारी करून नोंदवही ठेवावी. ओव्हरटाइमसाठी शक्यतो ‘क’ गटातील (कमी ओव्हरटाइम दर असलेल्या) कर्मचाऱ्यांचाच वापर करावा.
-कर्मचाऱ्यांची कमतरता असल्यास ‘प्लॅन डबल ड्युटी’चे नियोजन करावे. यासाठी इच्छुक कर्मचाऱ्यांचे अर्ज मागवून ज्यांचे मूळ वेतन कमी आहे, त्यांनाच प्राधान्य देऊन मासिक आराखडा तयार करावा.
-कर्मचाऱ्यांच्या माहितीसाठी डबल ड्युटीचे वेळापत्रक १० दिवस आधीच नोटीस बोर्डावर लावणे अनिवार्य करण्यात आले आहे.
-कोणत्याही परिस्थितीत चालक किंवा वाहकांची साप्ताहिक सुट्टी रद्द करू नये. तसे केल्यास पर्यवेक्षकावर कारवाई केली जाईल