२०२९ मध्ये स्वबळावर लढण्याची तयारी भाजप नं सुरु केली आहे. त्यामुळे पक्षविस्तारावर विशेष भर दिला जात आहे. त्याचाच भाग म्हणून स्थानिक स्वराज्य संस्थांच्या निवडणुकांच्या तोंडावर रविंद्र चव्हाण यांनी पक्षप्रवेशांचा अक्षरश: सपाटा लावला आहे. त्यामुळे शिंदेसेनेत अस्वस्थता आहे. भाजप पुढे निभाव लागत असल्यानं आता शिंदेसेनेनं मोर्चा वळवला आहे. कल्याण-डोंबिवलीत आता शिंदेसेनेच्या रडारवर मनसेचे माजी नगरसेवक आहेत.
ठाण्यात रविंद्र, मंत्रालयात देवेंद्र; CMच्या एका खेळीनं शिंदेसेनेत खळबळ; तोच खेळ पुन्हा सुरु
महेश पाटील, डॉ. सुनीता पाटील, सायली विचारे, संजय विचारे यांच्या भाजप प्रवेशामुळे पाथर्ली, गोग्रासवाडी येथील शिंदेसेनेचं हमखास विजयाची खात्री असलेलं पॅनेल संपुष्टात आलं आणि भाजपची ताकद वाढली. त्यामुळे आता शिंदेसेनेनं गियर बदलला असून मनसेचे नेते आणि माजी नगरसेवक मनोज घरत, मंदा पाटील यांच्यासाठी फिल्डींग लावल्याची चर्चा सुरु आहे. दोघांपैकी एका माजी नगरसेवकाच्या जवळच्या नातेवाईकांनी दिलेल्या माहितीनुसार, आमदार राजेश मोरे यांच्याकडून त्यांच्याशी थेट संपर्क साधण्यात आला. शिंदेसेनेत प्रवेश करण्याबद्दल त्यांना विचारणा करण्यात आली.
महाशक्ती पाठिशी ते महाशक्ती लागली पाठी! शिंदेसेना अडचणीत; भाईंकडे आता एकच पर्याय
भाजपकडूनही या दोन्ही माजी नगरसेवकांना आधीच विचारणा झालेली आहे. आता दोघांच्या निर्णयाकडे लक्ष लागलं आहे. अद्याप तरी त्यांचा निर्णय झालेला नाही. सध्या त्यांनी आस्ते कदम धोरण स्वीकारलं आहे. मनोज घरत आणि मंदा पाटील हे मनसे चे माजी आमदार राजू पाटील यांचे निकटवर्तीय मानले जातात. मंदा पाटील यांच्या कन्येच्या विवाहाला राजू पाटील सहकुटुंब दोन्ही दिवस हजर होते. मंदा या त्यांच्या कुटुंबातील आहेत. त्यामुळे त्या राजू पाटील यांच्याशी सल्लामसलत न करता कोणताही निर्णय घेणार नाहीत. तीच स्थिती घरत यांचीही आहे. ते राजू पाटील यांचे विश्वासू आहेत. या दोन्ही माजी नगरसेवकांनी पक्ष बदलल्यात तो राजू पाटील यांच्यासाठी मोठा धक्का असेल. राजू पाटील मनसे प्रमुख राज ठाकरे यांचे निष्ठावंत मांडले जातात. २०१९ च्या निवडणुकीत मनसेला राज्यात केवळ एकच जागा जिंकता आली होती. ती राजू पाटील यांनी जिंकली होती.