जळगाव जिल्ह्यात घराणेशाही वरून महायुतीच्या उमेदवारांवर टीका सुरू असतानाच आज जामनेर नगराध्यक्ष पदाची उमेदवार साधना महाजन यांची बिनविरोध निवड झाली आहे. गिरीश महाजन यांचे पत्नी साधना महाजन यांनी जामनेर नगराध्यक्ष पदासाठी भाजपकडून उमेदवारी अर्ज दाखल केला होता. यानंतर महाविकास आघाडी कडून उमेदवारांनी नगराध्यक्ष पदाच्या उमेदवारीसाठी माघार घेतल्याने साधना महाजणांच्या निवडीचा मार्ग मोकळा झाल्याने कार्यकर्त्यांनी आज एकच जल्लोष केला.

पुण्यात महायुतीतल्या कुरघोडीच्या राजकारणाने टोक गाठलं, मंत्री उदय सामंत आक्रमक, म्हणाले…

मविआच्या तीन उमेदवारांची माघार

महाविकास आघाडीच्या एकूण तीन उमेदवारांनी जामनेरमधून माघार घेतला आहे. जामनेर नगरपालिका निवडणुकीमध्ये नगराध्यक्ष पदासाठी भाजपा तर्फे साधना महाजन यांचे तर महाविकासाकडून रूपाली ललवाणी, प्रतिभा झाल्टे, सरिता बोरसे त्यांनी आपले उमेदवारी अर्ज दाखल केले होते. मात्र माघारीच्या दुसऱ्या दिवशी तीनही उमेदवारी अर्ज माघार झाल्यामुळे मंत्री गिरीश महाजन यांच्या पत्नी सौ साधना महाजन यांची नगराध्यक्ष पदासाठी बिनविरोध निवड झाली आहे. यामुळे महाविकास आघाडीच्या उमेद्वारांने निवडणुकी आधीच मैदान का सोडले हा मोठा प्रश्न उपस्शित झाला आहे.

आजपर्यंत भारतीय जनता पार्टीच्या सहा उमेदवारांनी नगरसेवक पदी बिनविरोध निवड झाली आहे त्यामध्ये उज्वला दीपक तायडे, सपना रवींद्र झाल्टे, संध्या जितेंद्र पाटील, महेंद्र कृपराम बाविस्कर, श्रीराम महाजन, किलुबाई जीमल्या शेवाळे यांची नगरसेवक पदी बिनविरोध निवड झाली असून नगराध्यक्ष व नगरसेवकांची निवडीबद्दल राज्याचे जलसंपदा मंत्री गिरीश महाजन भाजपा जिल्हाध्यक्ष चंद्रकांत बाविस्कर जामनेर तालुका एज्युकेशन सोसायटी सचिव जितेंद्र पाटील यांच्यासह भाजपा पदाधिकारी यांनी अभिनंदन केले आहे.