मिळालेल्या माहितीनुसार, संध्याकाळी मुलगी घराबाहेर खेळत असताना आरोपीने तिला जबरदस्तीने एका निर्जन जागी नेले आणि तिच्यावर अत्याचार केला. मुलगी घाबरून घरी परतल्यानंतर तिने आई-वडिलांना सर्व हकिकत सांगितली. मुलीने आरोपीचे नाव स्पष्टपणे सांगितल्याने पालकांनी तात्काळ ओतूर पोलीस ठाण्यात धाव घेऊन तक्रार दाखल केली.
Pune News : भाईंबाबत सबुरी, आता दादांची बारी; भाजपने जाळं फेकलं, एक-दोन नव्हे, दहा बडे नेते ‘घड्याळ’ सोडणार
घटनेचं गांभीर्य लक्षात घेऊन ओतूर पोलिसांनी त्वरित कारवाई करत काही तासांच्या आत आरोपी देवीदास गर्जेला अटक केली. पोलीस निरीक्षक संजय साळुंके यांच्या मार्गदर्शनाखाली पोलीस उपनिरीक्षक सचिन शिंदे पुढील तपास करीत आहेत. पीडित बालिकेवर पुण्यातील शासकीय रुग्णालयात तात्काळ उपचार सुरू करण्यात आले असून वैद्यकीय अहवालाची प्रतिक्षा आहे.
पुणे-मिरज मार्गावर रेल्वे सुसाट; संपूर्ण मार्गावरील २८० किलोमीटरचे दुहेरीकरणाचे काम पूर्ण, वेग वाढणार
या घटनेनंतर ऊसतोड कामगारांच्या वस्त्यांमध्ये काही काळ तणावाचे वातावरण निर्माण झाले होते. परिस्थिती नियंत्रणात ठेवण्यासाठी ओतूर पोलिसांनी मोठा फौजफाटा तैनात केला आणि शांतता राखली. या प्रकरणी भा.द.वि. कलम ३७६, ३७६ (२)(एन), तसेच पॉक्सो कायद्याच्या संबंधित कलमांन्वये देविदास गर्जे याच्या विरोधात गुन्हा दाखल करण्यात आला आहे.
सावधान…पुढे धोका आहे! रस्त्यांवर फिरताहेत यमदूत; पुण्यात 3 वर्षांत जड वाहनांखाली 250 जणांचा मृत्यू
ही घटना उघडकीस आल्यानंतर पुणे जिल्ह्यातील ऊसतोड मजुरांच्या वस्त्यांमध्ये अल्पवयीन मुलींच्या सुरक्षेचा प्रश्न पुन्हा एकदा ऐरणीवर आला आहे. स्थानिक नागरिक आणि सामाजिक संघटनांनी या घटनेचा तीव्र निषेध करत लवकरात लवकर कठोर शिक्षा देण्याची मागणी केली आहे. तपास युद्धपातळीवर सुरू असून पोलिसांकडून आरोपीला न्यायालयात हजर केले जाणार आहे.