गोपीच्या प्रसंगवधनाने वाचले प्राण

राबोडी येथे राहणारा हमदान कुरेशी आईसोबत सतीश प्रधान ज्ञानसाधना महाविद्यालयाजवळ धर्मवीर नगरमध्ये आजीच्या घरी आला होता. येथून घरी जात असताना ज्ञानसाधना महाविद्यालयासमोर स्ट्रॉम वॉटर पाईपलाईनकरिता असलेल्या गटाराच्या चेंबरमध्ये हमदान पडला. त्याचवेळी गोपी नामक तरुणाने त्याला वाचवण्यासाठी क्षणाचाही विलंब न करता गटारात उडी घेतली. आपल्या जीवाची बाजी लावून त्याने हमदानला बाहेर काढले. गोपीच्या तत्परतेमुळे या चिमुकल्याचे प्राण वाचले.Thane News : गाणं आटपा, ‘घाणेकर’च्या विंगेतून गायिका प्रियंका बर्वेंना सूचना? व्यावसायिक नाटकाचे निर्माते म्हणतात…

या घटनेदरम्यान शिवसेनेच्या स्थानिक माजी नगरसेविका नम्रता भोसले – जाधव घटनास्थळी उपस्थित होत्या. या घटनेची माहिती मिळताच घटनास्थळी शिवसेनेचे स्थानिक माजी नगरसेवक विकास रेपाळे, आपत्ती व्यवस्थापन अधिकारी यासिन तडवी, नौपाडा कोपरी प्रभाग समितीचे सहाय्यक आयुक्त महेश जामनोर, उप नगर अभियंता सुधीर गायकवाड, आपत्ती व्यवस्थापन कक्षाचे कर्मचारी, ठाणे आपत्ती प्रतिसाद दलाचे जवान दाखल झाले. या घटनेची माहिती रेपाळे यांनी उपमुख्यमंत्री एकनाथ शिंदे यांच्या कानावर घातली. तेव्हा शिंदे यांनी तातडीने हमदानला ज्युपिटर रुग्णालयात दाखल करण्याचे निर्देश दिले.

गटार उघडे ठेवल्याने प्रकार

उघडे ठेवण्यात आलेल्या चेंबरचे झाकण लोखंडी पाईपमुळे बंद होत नसल्याने सुरक्षेच्या दृष्टीने हा पाईप ग्रँडर व गॅस कटरच्या सहाय्याने कापून बाजूला करण्यात आला असून चेंबर बंद करण्यात आले आहे. कोणत्याही कामासाठी गटार उघडे ठेवणे चुकीचे असून याबाबत ठाणे पालिका आयुक्त सौरभ राव यांच्याशी चर्चा केली आहे. त्यांनी या प्रकरणी कार्यवाही करण्याचे निर्देश दिल्याची माहिती रेपाळे यांनी दिली.