त्याचवेळी दुसऱ्या एका गटातील ट्रेकर्सही चंदेरी ट्रेकसाठी आले होते. त्यांच्यातील एक ट्रेकर चढाई दरम्यान एका अवघड ठिकाणी घसरून अडकला. त्यांच्यातील काही सदस्यांनी धाव घेऊन मिहीरच्या टीमकडे मदत मागितली. एका सदस्याचा तोल जाऊन एका तांत्रिक अडचणींच्या भागात खाली घसरल्याची माहिती त्यांनी दिली. ही माहिती मिळताच मिहीरने क्षणाचाही विलंब न करता तात्काळ कृती केली आणि आपला संघ घेऊन घटनास्थळी रवाना झाला. तेथे गेल्यावर ट्रेकर सुमारे 150 मीटर खोल दरीच्या काठावर केवळ गवताला धरून लोंबकळत असल्याचं दिसलं.

इंदापूरच्या राजकीय घडामोडींनी ट्विस्ट वाढवला, इतिहासाची पुनरावृत्ती होणार?

मिहीरने तातडीने दोर दगडाला अडकवून रॅपलिंग करून खाली उतरत त्या ट्रेकरला सुरक्षितपणे बांधलं. वर असलेल्या रवी पवार आणि रुद्र मोहापात्रा यांनी डिसेंडरच्या साहाय्याने त्याला वर खेचून सुरक्षितस्थळी आणलं. या संयुक्त आणि त्वरित केलेल्या प्रयत्नांमुळे ट्रेकरचा यशस्वी बचाव करण्यात आला. सुदैवाने कोणतीही दुखापत झालेली नाही. मिहिरने दाखवलेले प्रसंगवधान आणि केलेल्या मदतीमुळे अभय पांडे यांचे प्राण वाचले. घटनेनंतर मिहीरच्या टीमने अशा अवघड आणि तांत्रिक चढाई करताना प्रशिक्षित व्यक्तींचे मार्गदर्शन घेण्याचे, तसेच योग्य सुरक्षासाहित्य बाळगण्याचं आवाहन केलं आहे.

वांद्रे किल्ल्यावर दारु पार्टीचं आयोजन

देशासह महाराष्ट्रातल्या किल्ल्यांना मोठा ऐतिहासिक वारसा आहे. पण या किल्ल्यांचा मान राखण्यात नागरिक नेहमीच कमी पडतात. इतिहासाची साक्ष देणाऱ्या या किल्ल्यांवर भरदिवसा दारू पार्ट्या केल्या जातात, असे अनेकवेळा समोर आले आहे. यात आता पुन्हा एकदा भर पडली आहे. मुंबईतल्या वांद्रे किल्ल्यावर दारू पार्टी झाल्याचा धक्कादायक प्रकार समोर आला आहे. या पार्टीचा एक व्हिडिओ ठाकरेंच्या शिवसेनेने शेअर केला आहे.

Ahilyanagar News : कोपरगावच्या वेशीवर घोंघावणारं ‘मृत्यूचं सावट’ अखेर दूर, ‘त्या’ नरभक्षक बिबट्याचा खात्मा

व्हिडिओत स्पष्टपणे दिसत आहे की, याठिकाणी लोकांच्या हातात बिअरच्या कॅन आहेत. ठाकरे गटाचे नेते अखिल चित्रे यांनी हे प्रकरण समोर आणलं आहे. त्यांनी यासंदर्भात एक्स पोस्ट शेअर केली आहे. आता या प्रकारावर ठाकरेसेना प्रचंड आक्रमक झाली आहे. याविषयात स्थानिक आमदार आशिष शेलारांवर टीका होत आहे.