आमची पोरं लहान असताना आठ-आठ दिवस माझी त्यांच्याशी भेट होत नसे. मी लोकांसाठी धावत राहिलो. पण आता लोक इतके खाली गेलेत की माझ्या मुलीच्या अंगावरच्या कपड्यांवर कमेंट्स करत आहेत. यापेक्षा वाईट काय असेल? चार दिवसांपासून माझ्या मुलीच्या साखरपुड्याचे कपडे चर्चेत आहेत. पण तिच्या बापाला काहीही विचारत नाहीत. तुमच्याही मुली असतील. तिच्या कपड्यांवर कोणी बोललं तर तुम्हाला काय वाटेल? साखरपुड्यात कपडे मुलीकडून घेतले की नवरदेवाकडून? मग त्यावर माझा काय दोष? एवढी तरी लाज असावी ना. 31 वर्ष मी कीर्तन केलं, लोकांना प्रेरणा दिली, उपदेश केला पण आता मजा उरली नाही, असे इंदोरीकर महाराज म्हणाले.
Indurikar Maharaj : ‘महाराज तुम्ही फेटा खाली उतरवायचा नाही’, इंदुरीकरांचा कीर्तन सोडण्याचे संकेत; राष्ट्रवादीच्या महिला नेत्याची फेसबुक पोस्ट
लोकांच्या शिव्या खात खात आयुष्य गेलं पण आता हे व्यक्तिगत पातळीवर गेलं आहे. मी आजही समर्थ आहे उत्तर द्यायला पण कुटुंबावर बोट गेलं की सहन होत नाही. त्यामुळे मी एक अनौपचारिक व्हिडिओ सादर करून कीर्तन सोडण्याचा निर्णय जाहीर करेल असे देखील इंदोरीकर महाराज म्हणाले आहेत. इंदोरीकर महाराज यांच्या कीर्तन सोडण्याच्या या निर्णयानंतर सामाजिक कार्यकर्त्या आणि भूमाता ब्रिगेडच्या संस्थापक अध्यक्ष तृप्ती देसाई यांनी इंदुरकर यांच्यावर जोरदार निशाणा साधला आहे. इंदोरीकर महाराज तुम्हाला कीर्तन सोडायचं की नाही हा सर्वस्वी तुमचा निर्णय आहे पण कीर्तन सोडून तुम्ही कॉमेडी शो सुरू करा, अशी घणाघाती टीका तृप्ती देसाई यांनी इंदोरीकर महाराजांवर केली आहे.
Rupali Patil Thombare : प्रवक्तेपदावरुन हटवलं, रुपाली पाटील राष्ट्रवादी सोडण्याचे संकेत, अजितदादांना धक्का, नवा पक्षही ठरला?
इंदोरीकर जेव्हा तुमच्या कीर्तनामध्ये दुसऱ्यांच्या मुलीची, आई-वडिलांची, घरच्यांशी बदनामी होत होती तेव्हा तुम्हाला काहीच वाटलं नाही. जेव्हा तुम्ही मुलीचा साखरपुडा शाही थाटात साजरा केला आम्हाला त्याबद्दल काहीच अडचण नाही. परंतु, तुम्ही जेव्हा सांगता की साधं लग्न केलं तरी मुलं होतातच किंवा कोणी वरात काढली कोण्या मुलीच्या ड्रेसवर बोलता अनेक बदनामकारक गोष्टी बोलला तेव्हा तुमच्यावर बोललं गेलं आहे, असं देसाई म्हणाल्या आहेत.

दरम्यान, आता तुम्हाला वाटत असेल की हे लोक तुमच्या घरापर्यंत बोलले, पण तुमच्या घरापर्यंत बोलण्याचा संबंध नव्हता. परंतु, तुम्ही दुसऱ्यांच्या घरावरती बोलला तेव्हा तुमच्यापर्यंत हे लोक बोलले आहेत. मग आता तुम्हाला वाटत असेल की फेटा ठेवावा आणि हे बंद करावे तर तो तुमचा निर्णय आहे. कारण तुम्ही जेव्हा दुसऱ्यांना बोलता तेव्हा तुम्हाला मजा वाटते, तुम्ही हसता, तुम्ही टाळ्या वाजवायला लावता आणि तुमच्या घरापर्यंत आलं तर तुम्हाला वाईट वाटतंय. तुम्हाला कीर्तन करायचं नाही करायचं हा तुमचा प्रश्न आहे. शेवटी तुमचं कीर्तन नसतंच ती कॉमेडीच असते त्यामुळे तुम्ही कीर्तन बंद करा आणि कॉमेडी शो सुरु करा, असं म्हणत तृप्ती देसाई यांनी इंदोरीकर यांना थेट आता कॉमेडी शो सुरू करण्याचा सल्ला दिला आहे.