मिळालेल्या माहितीनुसार, ही दुर्दैवी घटना काल बुधवारी रोजी संध्याकाळी सुमारे सात वाजताच्या सुमारास उघडकीस आली. समृद्धी नागपूरच्या शिव कैलाश येथील मंजीरा अपार्टमेंटमध्ये राहत होती. तिचे वडील कृष्णकांत पांडे यांनी तिला बराच वेळ फोन केला, मात्र प्रतिसाद न मिळाल्यानं त्यांनी तिच्या एका मैत्रिणीला तिच्या फ्लॅटवर जाऊन संपर्क साधण्यास सांगितलं. तिची मैत्रीण फ्लॅटवर पोहोचल्यावर दरवाजा आतून बंद असल्याचं आढळलं. त्यानंतर मागील दरवाजातून आत प्रवेश केला असता समृद्धीने पंख्याला गळफास घेतल्याचं तिला दिसून आलं. यानंतर तात्काळ सोनेगाव पोलिसांना या घटनेची माहिती देण्यात आली.

वाचवा वाचवा! ट्रक क्लिनरची मदतीसाठी याचना; कार पूर्णपणे जळून खाक, आत 4-5 जण, पुण्यात भीषण अपघात

सोनेगाव पोलिसांनी घटनास्थळी धाव घेत पंचनामा केला आणि मृतदेह शवविच्छेदनासाठी शासकीय रुग्णालयात पाठविला. प्राथमिक चौकशीत समृद्धी गेल्या काही दिवसांपासून मानसिक तणावाखाली असल्याची माहिती मिळाली आहे. मात्र, आत्महत्येचं नेमकं कारण अद्याप स्पष्ट झालेलं नाही. पोलिसांनी या प्रकरणाचा तपास सुरू केला असून समृद्धीच्या मैत्रिणी व प्राध्यापकांकडून चौकशी सुरू आहे. एम्स नागपूरच्या परिसरात या घटनेनंतर शोककळा पसरली आहे. समृद्धी ही आपल्या वर्ग मैत्रिणी आणि प्राध्यापकांमध्ये अत्यंत विनम्र, समजूतदार आणि अभ्यासू विद्यार्थिनी म्हणून ओळखली जात होती. तिच्या अचानक मृत्यूमुळे सर्वत्र हळहळ व्यक्त केली जात आहे.

Pune Accident : चालत्या कंटेनरनं अचानक ब्रेक दाबला, भरधाव कार मागून धडकली, कारच्या मागून दुसरा कंटेनर घुसला; पुण्यात विचित्र अपघात; 5 जणांचा मृत्यू

ही घटना पुन्हा एकदा वैद्यकीय शिक्षणातील वाढत्या मानसिक तणावाकडे लक्ष वेधते. कठोर अभ्यासक्रम, स्पर्धात्मक वातावरण आणि वैयक्तिक दडपणामुळे अनेक विद्यार्थी मानसिकदृष्ट्या कोलमडत आहेत. तज्ज्ञांच्या मते, विद्यार्थ्यांच्या मानसिक आरोग्याची काळजी घेण्यासाठी संस्थांनी समुपदेशन आणि भावनिक सहाय्याची यंत्रणा अधिक मजबूत करण्याची गरज आहे.