भास्करराव बनकर यांनी आमदार दिलीप बनकर यांच्या उपस्थितीत राष्ट्रवादी काँग्रेस पक्षात प्रवेश केल्याने पिंपळगाव बसवंत नगरपरिषदेच्या निवडणुकीचा रागरंग बदलणार आहे. आमदार दिलीप बनकर यांच्या उपस्थितीत पिंपळगाव येथे बनकर यांचा राष्ट्रवादीमध्ये प्रवेश झाला. यावेळी पिंपळगाव शहराच्या विकासासाठी आपण आमदार बनकर यांच्या उपस्थितीत राष्ट्रवादी पक्षात प्रवेश केल्याचे भास्करराव बनकर यांनी स्पष्ट केले.
मोठी बातमी: राज्यात पहिल्यांदाच ते समीकरण अखेर जुळलं, मनसेचा महाविकास आघाडीत समावेश, कोणत्या शहरातून झाली सुरुवात?
नवीन समीकरणांमुळे नेत्यांसमोर आव्हान
विधानसभा निवडणुकीत आमदार दिलीप बनकर यांच्या पाठीशी महायुती धर्म म्हणून उभे राहिलेल्या भाजपच्या सतीश मोरे, बापू पाटील यांना बनकर एकत्र आल्याने निवडणुकीत मोठ्या दिव्यातून जावे लागणार आहे. आता भाजप आणि शिवसेना शिंदे गट एकत्रित युती करून लढतील अशी शक्यता आहे. भास्करराव बनकर यांनी राष्ट्रवादी काँग्रेसमध्ये प्रवेश केल्यामुळे शिवसेना उद्धव ठाकरे गटाचे नेतृत्व करायला कोणीही ताकदीचा नेता नसल्याने आमदार अनिल कदम यांच्यासमोर आव्हान आहे. तर काँग्रेसकडून स्वबळावर लढण्याचे संकेत देण्यात आले आहेत.
Nashik Crime: पोलिसपुत्र नशेच्या तस्करीत; नाशकात 32 ग्रॅम एमडी जप्त, तिघांना अटक, हॉटेल मालकावरही गुन्हा
भाजपऐवजी थेट राष्ट्रवादीत…
भास्करराव बनकर हे भाजपमध्ये जाण्याच्या चर्चा होत्या. भाजपच्या वरिष्ठ नेतृत्वाकडून त्यांना निमंत्रणही आले होते पण निवडणूक प्रक्रिया सुरू होऊनही भाजप प्रवेशाची गाडी पुढे सरकत नव्हती. त्यांच्या प्रवेशाला भाजपच्या काही स्थानिक पदाधिकाऱ्यांनीही विरोध दर्शवल्याची चर्चा आहे. बनकर यांच्याकडे सर्व मार्ग मोकळे असल्याने बुधवारी कार्यकत्यांची बैठक बोलावून अजित पवार यांच्या नेतृत्वाखालील राष्ट्रवादी काँग्रेसमध्ये जाण्याचा निर्णय घेण्यात आला.