याबाबत अधिक माहिती अशी की, मृत उत्तम मोहिते हा राजकीय पदाधिकारी असून दलीत महासंघ मोहिते गटाचा संस्थापक अध्यक्ष आहे. त्याने सांगली जिल्ह्यातअनेक विषयांवर आंदोलन केले होते. हटके आंदोलन करण्यासाठी मोहिते हे प्रसिद्ध होते. उत्तम मोहिते यांचा आज मंगळवारी वाढदिवस होता. यासाठी त्याच्या गारपीर चौक येथील घरासमोर स्टेज घालून जंगी कार्यक्रमाचे आयोजन केले होते. रात्री दहा वाजण्याच्या सुमारास संशयित शेख हा त्याच्या साथीदारांसह याठिकाणी आला. जेवणाचा आस्वाद घेतला. यानंतर मोहिते याला शुभेच्छा देण्याच्या बहाण्याने टोळके गेले आणि त्यांच्याजवळ असलेल्या धारदार हत्याराने पोटात आणि मानेवर वार केले. यात तो गंभीर जखमी झाला. अचानक झालेल्या या हल्ल्याने एकच गोंधळ उडाला.
Sangli Crime : दारुच्या नशेत शिवीगाळ केल्याचा राग, दोघांनी कट रचून जिवलग मित्राला संपवलं, घोड्यांच्या तबेल्यात रक्तरंजित थरार
संशयित आणि मोहिते गटामध्ये मोठी धुमश्चक्री झाली. यानंतर जखमी अवस्थेत उत्तम मोहिते यांना शासकीय रुग्णालयात दाखल केले असता त्याला मृत घोषित करण्यात आले. दरम्यान, संतप्त जमावाच्या हल्ल्यात शाहरुख शेख हा गंभीर जखमी झाला. त्याच्यावर सुद्धा शासकीय रुग्णालयात अतिदक्षता विभागात उपचार सुरू करण्यात आले.

Sangli Fire News : भांड्याच्या दुकानाला भीषण आग, एकाच कुटुंबातील चौघांचा होरपळून मृत्यू; अग्नीतांडवाने सांगलीत हळहळ
या घटनेनंतर सांगली शहरात एकच खळबळ उडाली असून समाज माध्यमांवर चर्चेला उधाण आले होते. घटनास्थळी मोठा पोलिस बंदोबस्त तैनात केला होता. घटनेनंतर वरिष्ठ पोलिस अधिकाऱ्यांसह मोठा फौजफाटा रुग्णालय परिसरात दाखल झाला. समर्थकांची मोठी गर्दी या परिसरात होती. परंतु याबाबत शहर पोलिस ठाण्यात मध्यरात्री पर्यंत कोणत्याही प्रकारचा गुन्हा दाखल झाला नव्हता.