याप्रकरणी मिळालेल्या अधिक माहितीनुसार, पीडित बालिका नेहमी प्रमाणे शुक्रवारी ट्युशनला गेली होती. ट्युशन सुटल्यानंतर सायंकाळी 7 वाजेपर्यंत ती एकटी घरी परत येत होती. यावेळी रस्त्यावर थांबलेल्या आरोपी ओमकार सतीष डाकुरवार (रा. मुखेड) या नराधमाने बालिकेला गाठलं. त्यानंतर तो तिला घराचे बांधकाम चालु असलेल्या घरात घेऊन गेला आणि तिथे तिच्यावर लैंगिक अत्याचार केला.
Nilesh Ghaiwal: साळवे कुटुंबावर हल्ल्याचा मास्टरमाइंड नीलेश घायवळ; पुण्यातील कुख्यात गुंडाचा कट उघड
या घटनेनंतर मुलगी जखमी अवस्थेत सापडली. मुलीच्या नातेवाईकांनी तिला उपचारासाठी तात्काळ उपजिल्हा रुग्णालय नेले असता तेथील डॉक्टरांनी सदरील मुलीवर लैंगिक अत्याचार झाले असल्याचे पालकांना सांगितले. आपल्या मुलीसोबत अत्याचार झाल्याचं समजताच आई वडिलांना मोठा धक्का बसला.

हा प्रकार उघडकीस आल्यानंतर मुखेडमध्ये संतापाची लाट पसरली. दरम्यान, शनिवारी शेकडो नागरिकांनी मुखेड पोलीस ठाण्यात मोर्चा काढला. आरोपीला फाशीची देण्याची मागणी नागरिकांनी केली आहे. भाजपचे आमदार तुषार राठोड हे देखील मोर्चात सहभागी झाले होते. दरम्यान, मुखेड पोलिसांनी आरोपी ओमकर डाकुरवार यांचावर कलम 65 (2), 64 (2) कलम 4, 5 (M) पोक्सो बाल लैंगिक कायदा अंतर्गत गुन्हा दाखल केला आहे. पोलीस उपविभागीय अधिकारी संकेत गोसावी यांच्या मार्गदर्शनाखाली पोलीस उपनिरीक्षक किरण बेंबडे हे पुढील तपास करत आहे. दरम्यान हे प्रकरण फास्टट्रॅक कोर्टात चालवण्यासाठी प्रयत्न करणार असल्याची माहिती पोलिसांनी दिली.