इंजिनिअरचा दुर्दैवी अंत

रत्नागिरी पोलिसांकडून मिळालेल्या माहितीनुसार, आशिष लाड हे गणपतीपुळे येथे काम करण्यासाठी आले होते. पर्यटन क्षेत्रासाठी महत्त्वाचं असलेल्या जेट्स स्की रिपेरिंग करण्याचं कौशल्य त्यांच्याकडे होतं. आशिष हे गणपतीपुळे येथे स्पोर्ट जेट्स स्कीचं दुरुस्तीचं काम पूर्ण करून परत निघाले होते. त्यावेळी ते गणपतीपुळे मंदिराच्या मुख्य प्रवेशद्वारासमोर पोलीस चौकीसमोर वाट बघत उभे होते. त्याचवेळी त्यांना चक्कर येऊन ते खाली पडले.
Railway Ticket Booking : रेल्वे तिकीट बुकिंगसाठी नवी सुविधा, प्रवाशांना मोठा दिलासा, कशी आहे प्रोसेस? पुण्यात पहिल्यांदाच सुरूवात

गणपतीपुळे किनाऱ्यावर तरुणासोबत काय घडलं?

चक्कर येऊन ते खाली पडल्यानंतर त्यांना तेथील स्थानिक ग्रामस्थांच्या आणि पोलिसांच्या मदतीने तातडीने गणपतीपुळे जवळ असलेल्या प्राथमिक आरोग्य केंद्र मालगुंड येथे दाखल करण्यात आलं. मात्र तोपर्यंत निष्ठूर नियतीने डाव साधला होता. वैद्यकीय अधिकारी यांनी आशिष यांना तपासून त्यांना मृत घोषित केलं. ही दुर्दैवी घटना गणपतीपुळे येथे शुक्रवारी 7 नोव्हेंबर रोजी सायंकाळी उशिरा घडली.

कुटुंबावर दु:खाचा डोंगर

आशिष लाड हे गेले कित्येक वर्ष रत्नागिरी येथे स्थायिक आहेत. त्यांचे भाऊ आणि नातेवाईक मुंबईमध्ये असतात. आशिष यांच्या पश्चात पत्नी, एक मुलगी, आई, भाऊ असं कुटुंब आहे. आशिष यांच्या मृत्यूने लाड कुटुंबावर दुःखाचा मोठा डोंगर कोसळला आहे. या संपूर्ण घटनेची नोंद रत्नागिरी जयगड सागरी पोलीस ठाण्यात करण्यात आली आहे. या घटनेने परिसरात हळहळ, शोक व्यक्त केला जात आहे.