तुषार पवार हे महाड एमआयडीसी येथून नाईट शिफ्ट संपवून पहाटे घरी जात असताना अपघाताची दुर्देवी घटना घडली. या दुर्घटनेत तुषार हे गंभीर जखमी झाले आहेत.
घटनेची माहिती मिळताच ग्रामस्थांनी तत्काळ मदतकार्य सुरू केले. स्थानिक युवकांनी जखमी तुषारला प्राथमिक उपचारानंतर महाड ग्रामीण रुग्णालयात दाखल केले. तेथून त्यांना पुढील उपचारासाठी पनवेल येथे हलवण्यात आले असून त्यांची प्रकृती चिंताजनक असल्याचे डॉक्टरांनी सांगितले आहे.
ग्रामस्थांच्या मते, श्री देव धाबा परिसरात दररोज रात्री मालवाहतूक ट्रकांची लांबच लांब रांग लागते. रस्त्याच्या दोन्ही बाजूला उभे असलेले ट्रक आणि अरुंद मार्गामुळे वाहनांना वेग कमी करावा लागतो. त्यामुळे समोरून येणाऱ्या वाहनांना दिसणारा दृष्टीकोन कमी होतो आणि अनेकदा गंभीर अपघात घडतात.
“आम्ही अनेक वेळा वाहतूक विभागाला आणि प्रशासनाला या ठिकाणी ट्रक पार्किंगवर नियंत्रण ठेवण्याची मागणी केली आहे. पण कुणीच लक्ष देत नाही,” अशी प्रतिक्रिया स्थानिक रहिवासी गणेश वाळके यांनी दिली. महाड एमआयडीसी परिसरात हजारो कामगार तीनही शिफ्ट्समध्ये काम करतात. सकाळ, दुपार आणि रात्र या तिन्ही पाळ्यांमध्ये कामगारांना स्वतःच्या दुचाकीवरून लांब पल्ल्याचा प्रवास करावा लागतो. यामुळे दर काही दिवसांनी अशा अपघातांच्या बातम्या समोर येत आहेत.
कामगार संघटनांनी यापूर्वीच प्रशासनाकडे “महाड ते पोलादपूर” या मार्गावर एमआयडीसी कामगारांसाठी शिफ्टनुसार बससेवा सुरू करण्याची मागणी केली होती. मात्र अद्यापही ती मागणी रखडलेली असल्याने कामगारांचा जीव रोज धोक्यात आहे. स्थानिक सामाजिक कार्यकर्ते मिलिंद कोरे म्हणाले की, कामगारांचे प्राण रोज या रस्त्यावर धोक्यात आहेत. प्रशासनाने फक्त अपघातानंतर कारवाईची भाषा बोलण्याऐवजी, आधीच प्रतिबंधक उपाययोजना कराव्यात. गेल्या सहा महिन्यांत महाड–पोलादपूर मार्गावर २४ पेक्षा जास्त अपघात घडले असून, यातील बऱ्याच घटना कामगारांशी संबंधित आहेत. रस्त्यावरील खड्डे, प्रकाशाचा अभाव आणि ट्रकांची बेकायदेशीर पार्किंग ही अपघातांची प्रमुख कारणे असल्याचे स्थानिकांनी सांगितले.
दरम्यान, पोलादपूर पोलीस ठाण्याचे अधिकारी सांगतात की,“अपघातस्थळी वाहतुकीची व्यवस्था सुधारण्यासाठी उपाययोजना करण्यात येणार आहेत. तसेच ट्रक उभे राहण्यावर नियंत्रण ठेवण्याबाबत वाहतूक शाखेला कळविण्यात आले आहे.” तुषार पवारच्या अपघातानंतर एमआयडीसीतील कामगार वर्गात तीव्र नाराजी आहे. “आपण दिवसरात्र उद्योगांना हातभार लावतो, पण आपली सुरक्षितता मात्र कुणालाही महत्त्वाची नाही,” अशी भावना कामगारांमधून व्यक्त होत आहे. तुषार पवार यांच्या प्रकृतीसाठी त्यांच्या सहकाऱ्यांनी आणि स्थानिक नागरिकांनी शुभेच्छा व्यक्त केल्या असून, प्रशासनाने तत्काळ बससेवा व रस्त्यावरील सुरक्षा उपायांची अंमलबजावणी करावी, अशी मागणी केली आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा