पवईच्या महावीर क्लासिक इमारतीमधील आर. ए. स्टुडिओमध्ये रोहित आर्या याने १७ मुलांसह २० जणांना ओलिस ठेवले होते. त्यांची सुटका करण्यासाठी स्टुडिओत शिरलेले सहाय्यक पोलीस निरीक्षक अमोल वाघमारे यांनी रोहितवर गोळी झाडली. छातीत गोळी लागल्याने रोहितचा मृत्यू झाला. या प्रकरणी अपमृत्यूची नोंद करण्यात आली असून तपास गुन्हे शाखेकडे वर्ग करण्यात आला आहे.

मुलांच्या मुलाखती सुरू असताना अभिनेते गिरीश ओक यांनी स्टुडिओला भेट दिली होती. एका प्रसिद्ध अभिनेत्रीनेही भेट दिल्याची माहिती आहे. तर रुचिता जाधव हिच्यासह आणखी काही कलाकारांना रोहितने स्टुडिओत येण्यासाठी संपर्क साधला होता. स्टुडिओला भेट देणाऱ्या, या कालावधीत रोहितने संपर्क साधलेल्या प्रत्येकाची चौकशी केली जाणार असल्याचे पोलिसांनी म्हटले आहे.
Nashik News : आईने दिलेली फराळाची पिशवी हरवली, शोधायला मुलाचा 10-12 नव्हे, तब्बल 66 तास प्रवास, स्टेशनला पोहोचला अन्…
रोहित याच्यावर गोळी झाडणाऱ्या सहाय्यक निरीक्षक अमोल वाघमारे यांचा जबाब नोंदविण्यात आला आहे. त्यांनी दिलेल्या जबाबानुसार, स्टुडिओमधील परिस्थिती होती का? याची शहानिशा करण्यासाठी आतमध्ये उपस्थित असलेल्या प्रत्येकाचा जबाब नोंदवण्यात येत असल्याचे एका अधिकाऱ्याने सांगितले. पालकांचेही सविस्तर जबाब नोंदवणे बाकी असल्याचे एका अधिकाऱ्याने सांगितले. स्टुडिओ मालक तसेच स्टुडिओतील इतर कर्मचारी, प्रत्यक्षदर्शी यांचे जबाब नोंदवण्यात आल्याचे सूत्रांकडून समजते.
Puneet Gupta : मी फोनवर 100-500 कोटींच्या डीलवर बोललो अन् ड्रायव्हरने माझ्यासाठी थेट… CEO ना चक्रावणारा अनुभव
ओलिसनाट्य घडले, त्यावेळी मुलांच्या सुटकेसाठी पोलिस उपायुक्त दत्ता नलावडे, वरिष्ठ निरीक्षक जितेंद्र सोनावणे यांनी रोहितसोबत संवाद सुरू केला. यावेळी त्याने तत्कालीन शिक्षणमंत्री दीपक केसरकर यांच्याशी बोलायचे आहे, अशी मागणी केली. पोलिस म्हणाले, ‘आम्ही तुमचे म्हणणे त्यांच्यापर्यंत पोहोचवतो.’ मात्र रोहित ऐकण्याच्या मनस्थितीत नव्हता. त्यानुसार पोलिसांनी केसरकर यांना फोन लावला. मात्र केसरकर यांनी रोहितसोबत बोलण्यास नकार दिल्याचे पोलिस सूत्रांनी सांगितले. वारंवार या प्रकरणात केसरकर यांचे नाव घेतले जात असल्याने त्यांचीदेखील चौकशी होण्याची शक्यता आहे.