सदर प्रकरणाची नोंद म्हसळा पोलीस ठाण्यात करण्यात आली, आणि तात्काळ स्थानिक गुन्हे शाखेच्या अधिकाऱ्यांकडून तपास सुरु झाला. पोलिसांनी घरातील परिस्थितीची पाहणी केली असता, पलंगावर वृद्ध दाम्पत्याची कुजलेला मृतदेह पाहून संशयास्पद मृत्यूची स्पष्ट चिन्हे दिसली. सख्ख्या मुलांनी घरातील प्रॉपर्टीच्या वादातून राग धरला होता आणि हा राग त्यांनी हत्येत रूपांतरित केला, असा प्राथमिक निष्कर्ष पोलिसांनी काढला.

बीडमध्ये पुन्हा मुंडे विरुद्ध मुंडे लढत? महायुतीला तडा जाणार? पडद्यामागच्या घडामोडींनी सस्पेन्स वाढवला

घटनास्थळी पोहोचलेल्या म्हसळा पोलीस ठाण्याचे सहाय्यक पोलीस निरीक्षक रवींद्र पारखे, उपपोलीस निरीक्षक ज्ञानेश्वर येडवले, रोहिणकर, पोलीस शिपाई सागर चितारे, राजेंद्र म्हात्रे यांसह फॉरेन्सिक टीम, डॉग स्कॉड, फिंगरप्रिंट एक्सपर्ट यांनी सखोल तपास केला. त्यांनी घरातील प्रत्येक खोली, पलंग आणि फर्निचरची तपासणी करत महत्त्वपूर्ण पुरावे गोळा केले.

तपासात हे स्पष्ट झालं की, वृद्ध दाम्पत्य त्यांच्या मुलांना घरातील खर्चासाठी पुरेसे पैसे देत नसल्यामुळे त्यांनी काही काळासाठी मुलांना घरात राहण्यास मज्जाव केला होता. यामुळे नरेश आणि चंद्रकांत या दोघांमध्ये मनात राग निर्माण झाला, जो हळूहळू संतापात बदलला आणि त्यांनी आपल्या पालकांचा हत्या करण्याचं ठरवलं. पोलिसांनी दोघांना अटक केली असून, दोघेही सध्या पोलिसांच्या ताब्यात आहेत.

हात बांधले, छातीवर पाय ठेवला, गतिमंद चिमुकल्या विद्यार्थ्याला कुकरच्या झाकणाने मारहाण; केअर टेकर्स अन् शिपायाचं राक्षसी कृत्य

पोलिसांना घटनास्थळी मिळालेल्या फिंगरप्रिंट आणि डॉग स्कॉडच्या मदतीने घटनास्थळी सखोल पुरावे जमा केले. तसेच, सदर प्रकरणाचे त्वरित फॉरेन्सिक विश्लेषण करण्यात आलं. तपास अधिकाऱ्यांनी सांगितलं की, ‘हत्येची ही योजना अगोदरपासून आखलेली होती, आणि ही हत्या प्रॉपर्टीच्या वादातून झाली आहे. फॉरेन्सिक पुरावे आणि ताब्यात घेण्यात आलेले मुद्दे खूप महत्त्वाचे आहेत.’ स्थानिक गुन्हे शाखेचे सहाय्यक पोलीस निरीक्षक भास्कर जाधव यांनी स्पष्ट केलं की, ‘घटना झाल्यानंतरच आम्ही घटनास्थळी त्वरित पोहोचलो आणि दोघे सख्ख्या मुलांना अटक केली. ही घटना म्हसळा तालुक्यातील वृद्धांची सुरक्षा आणि मुलांच्या कुटुंबातील तणावाचे गंभीर उदाहरण आहे.’