या घटनेची माहिती मिळताच म्हसळा पोलीस ठाण्याचे सहाय्यक पोलीस निरीक्षक रवींद्र पारखे यांनी घटनास्थळी धाव घेतली. मृतदेहाच्या अवस्थेमुळे आणि घरातील परिस्थिती पाहता पोलिसांना हत्येचा संशय आला असून, प्राथमिक तपास सुरू करण्यात आला आहे. या प्रकरणाची फिर्याद पनवेल येथे राहणाऱ्या मृत दांपत्याच्या मुलीकडून दिनाक नोव्हेंबर रोजी रात्रीच्या सुमारास दाखल करण्यात आली आहे.

Raigad News: मनसे शहराध्यक्षाला बेदम मारहाण, शिंदेसेनेच्या मंत्र्यावर गंभीर आरोप; नेमकं काय आहे प्रकरण?

दरम्यान, घटनेच्या गांभीर्याची दखल घेत स्थानिक गुन्हे शाखा, फॉरेन्सिक सायन्स लॅबोरेटरी (एफएसएल), फिंगरप्रिंट एक्सपर्ट टीम, तसेच डॉग स्कॉड घटनास्थळी दाखल झाले आहेत. पोलिसांनी घरातील सर्व वस्तूंची तपासणी करत दरवाज्यावरील खुणा, पलंगाभोवतीचे ठसे आणि घरातील मांडणीचे बारकाईने निरीक्षण केले. पोलिस सूत्रांकडून मिळालेल्या माहितीनुसार, मृतदेह कुजल्यामुळे स्थानिक पातळीवर शवविच्छेदन शक्य नव्हते. त्यामुळे दोन्ही मृतदेह मुंबई येथील जे.जे. रुग्णालयात शवविच्छेदनासाठी पाठवण्यात आले आहेत. मृतदेहांची स्थिती पाहता ही हत्या असण्याची शक्यता नाकारता येत नाही, मात्र नेमका मृत्यू कशामुळे झाला हे फॉरेन्सिक अहवालानंतरच स्पष्ट होणार आहे.

या वृद्ध दांपत्याचा कोणाशी वाद होता का, अलीकडे त्यांच्या घरात कोणी ये-जा केली होती का, याबाबत पोलिसांकडून चौकशी सुरू आहे. काही गावकऱ्यांना चौकशीसाठी ताब्यात घेऊन विचारपूस करण्यात येत आहे. या घटनेमुळे म्हसळा तालुक्यात भीती आणि संभ्रमाचे वातावरण निर्माण झाले असून, नागरिकांमध्ये चर्चेला उधाण आले आहे. स्थानिक गुन्हे शाखा आणि म्हसळा पोलिसांचा संयुक्त तपास सुरू आहे. पोलीस सूत्रांच्या माहितीनुसार, पुढील २४ तासांत या संशयास्पद मृत्यूचे गूढ उकलण्याची शक्यता व्यक्त केली जात आहे.

शाहूवाडीमधील घटना काय होती?

दरम्यान, कोल्हापूरमधल्या शाहूवाडीमध्येही वृद्ध दाम्पत्याची संशयास्पद हत्या करण्यात आली होती. बिबट्याच्या हल्ल्यात दोघांचा मृत्यू झाल्याचं दाखवण्याचा प्लान खून्यांनी केला होता.पण प्रत्यक्षात बिबट्याने नव्हे तर खुन्यांनी या वृद्ध दाप्मत्याला क्रूरपणे संपवल्याचं समोर आलं आहे. या प्रकरणात पोलिसांनी एकाला नुकतीच अटक केली आहे.