भेदभाव न करता सर्वांना समान वागणूक द्यावी

शनिशिंगणापूर देवस्थान ट्रस्टच्या नवीन प्रशासकांनी भाविकांमध्ये कोणताही भेदभाव न करता सर्वांना समान वागणूक द्यावी, अशी मागणी करण्यात आली आहे. राज्य सरकारने नुकतेच ट्रस्ट बरखास्त करून जिल्हाधिकारी डॉ. पंकज आशिया यांची प्रशासक म्हणून नियुक्ती केली आहे. या पार्श्वभूमीवर, देसाई यांनी जिल्हाधिकाऱ्यांना आवाहन केले आहे की ट्रस्टचे जुने नियम बदलून गरीब आणि श्रीमंत भाविकांमध्ये फरक न करता सर्वांना समान संधी मिळावी. माथेरानमधले 400 घोडे झाले बेघर; पोलिस बंदोबस्तात मोठी कारवाई, अश्वपाल बांधवांचा आक्रोश, कारवाईमागचं कारण काय?

सध्या शनिशिंगणापूर देवस्थानात चौथऱ्यावर दर्शनासाठी दोन स्वतंत्र रांगा आहेत. एक रांग ५०० रुपयांची पावती फाडणाऱ्यांसाठी आहे, तर दुसरी रांग गावकरी गेटसाठी आहे. याशिवाय, काही व्हीआयपींना जनसंपर्क कार्यालयात नोंदणी करून थेट चौथऱ्यावर सोडले जाते. यामुळे अनेक भाविकांना केवळ आर्थिक कारणांमुळे शनी चौथऱ्यावर जाण्याची संधी मिळत नाही.

नवीन प्रशासकांनी ट्रस्टचे जुने नियम बदलून भाविकांमध्ये भेदभाव न करता सर्वांना समान वागणूक द्यावी, अशी मागणी व आवाहन भूमाता ब्रिगेडकडून करण्यात आले आहे. राज्य सरकारने शनैश्वर देवस्थान ट्रस्ट बरखास्त करून जिल्हाधिकारी डॉ. पंकज आशिया यांची प्रशासक म्हणून नेमणूक केली आहे. या बदलाच्या पार्श्वभूमीवर, देसाई यांनी जिल्हाधिकाऱ्यांना विनंती केली आहे की त्यांनी ट्रस्टचे जुने नियम बदलावेत. यामुळे गरीब आणि श्रीमंत भाविकांमध्ये कोणताही भेदभाव होणार नाही आणि सर्वांना समान वागणूक मिळेल.

वादाच्या भोवऱ्यात शनी शिंगणापूर

गेल्या काही महिन्यांपासून शनिशिंगणापूर देवस्थान वारंवार वादाच्या भोवऱ्यात सापडले आहे. भ्रष्टाचार, विश्वस्ताचे आत्महत्येचे प्रकार, बनावट ॲप घोटाळा यांसारख्या अनेक प्रकरणांनंतर अखेर मंदिर प्रशासन सरकारच्या ताब्यात आले आहे.

यापूर्वीचे देसाईचे आंदोलन

दरम्यान, तृप्ती देसाई यांच्या नेतृत्वाखालील भूमाता रणरागिणी ब्रिगेडने काही वर्षांपूर्वी महिलांना गर्भगृहात प्रवेश मिळावा म्हणून आंदोलन केले होते. त्या वेळी त्यांच्या आंदोलनामुळे महिलांना मंदिरात प्रवेशाची परवानगी देण्यात आली होती.