राजकीय सुसंस्कृतपणाचं दर्शन

विरोधी पक्षात असलेल्या संजय राऊत यांनी टीकेची झोड उठवल्यानंतर सत्ताधारी महायुतीतून त्यांना नेहमीच उत्तर दिलं जातं. अनेकदा टीकेची पातळी दोन्ही बाजूने घसरल्याचंही पाहायला मिळालं आहे. मात्र संजय राऊतांची प्रकृती ढासळली, त्यावेळी राजकीय सौहार्दाचं दर्शन घडल्याचं दिसत आहे. अगदी पंतप्रधान नरेंद्र मोदी यांनीही सोशल मीडियावरुन काळजी व्यक्त केली. तर मुख्यमंत्री देवेंद्र फडणवीस, भाजपचे माजी प्रदेशाध्यक्ष आणि मंत्री चंद्रशेखर बावनकुळे यांनी फोन करुन राऊतांची विचारपूस केली. भाजपचे सरचिटणीस विनोद तावडे, भाजप माध्यम प्रमुख नवनाथ बन यांनीही संजय राऊत यांना काळजी घेण्यास सांगितलं आहे. याशिवाय ठाकरे गटातील नेते आदित्य ठाकरे, सुषमा अंधारे, ओमराजे निंबाळकर, तसेच महाविकास आघाडीतील प्रमुख नेते सुप्रिया सुळे, जितेंद्र आव्हाड, रजनी पाटील, रोहित पवार, राजेश टोपे यांनीही सोशल मीडियावरुन संजय राऊतांविषयी काळजी व्यक्त केली आहे.
Rohit Arya : एकही धार्मिक विधी नाही, रोहित आर्यला पत्नी-मुलासह 5 जणांच्या उपस्थितीत अखेरचा निरोप, मध्यरात्री 2.24 वाजता…

संजय राऊत यांना काय झालंय?

‘सध्या माझ्या प्रकृतीत अचानक काही गंभीर बिघाड झाल्याचे समोर आले आहे. उपचार सुरू आहेत. मी यातून लवकरच बाहेर पडेन. वैद्यकीय सल्ल्यानुसार मला बाहेर जाणे आणि गर्दीत मिसळणे यावर निर्बंध आहेत. परंतु मी ठणठणीत बरा होऊन साधारण नवीन वर्षात आपल्या भेटीला येईन’, असे संजय राऊत यांनी म्हटले आहे.
Raj Thackeray : आय लव्ह यू राज साहेब! दादर स्टेशनवर ऑटोग्राफ घेत तरुणाचे उत्स्फूर्त शब्द, राज ठाकरेंची प्रतिक्रिया काय?
जिल्हा परिषद, नगरपालिका, महापालिका निवडणुका तोंडावर आहेत. अशातच ठाकरे गटाची बाजू हिरीरीने मांडणारे नेते संजय राऊत प्रकृतीच्या कारणास्तव ब्रेक घेत असल्याने पक्षातील कार्यकर्ते खट्टू झाले आहेत.