Ratnagiri Crime News : राज्यात दिवसेंदिवस गुन्हेगारीचं प्रमाण वाढत चाललं आहे. अशातच दोन दिवसांपूर्वी दापोली येथे एका 80 वर्षीय वृद्धाने आत्महत्या केल्याचं समोर आलं होतं. पण आता या प्रकरणाला एक धक्कादायक वळण लागलेलं आहे.
रत्नागिरी : दापोली तालुक्यात एका 80 वर्षीय वृद्ध इसमाने दोन दिवसापूर्वी आत्महत्या केली होती. मात्र, या आत्महत्यामागे आता मोठं धक्कादायक कारण समोर आलं आहे. आत्महत्यापूर्वी लिहून ठेवलेल्या चिठ्ठीत धक्कादायक कारण समोर असून या प्रकरणात दापोली पोलिसांनी दोघांना अटक केली आहे. 30 ऑक्टोबर रोजी दापोली तालुक्यातील हर्णे राजवाडी येथील जयंत भागोजी दुबळे (वय 80) यांनी आपल्या राहत्या घरात गळफास घेवून आत्महत्या केल्याची धक्कादायक घटना घडली होती. या प्रकरणाची खबर त्यांचा नातू कौशिक याने तात्काळ पोलिसांना दिली होती.
दापोली पोलीस ठाणे अ.मू.रजि नं.74/2025 बी.एन.एस.एस. 194 प्रमाणे या आत्महत्येची नोंद करण्यात आली होती. मात्र, या आत्महत्येवरून संशय व्यक्त केला जात होता. याचवेळी आत्महत्या करण्यापूर्वी जयवंत दुबळे यांनी एक लिहून ठेवलेली चिठ्ठी मिळाली आहे. या आकस्मिक आत्महत्या प्रकरणाची चौकशी सुरु असताना जयवंत दुबळे यांच्या नातेवाईकांना आत्महत्या करण्यापूर्वी लिहून ठेवलेली चिठ्ठी मिळाली आहे. यामध्ये आत्महत्या केलेले जयवंत दुबळे यांनी काही लोकांचा उल्लेख करत चिठ्ठी लिहिली आहे.
Raj Thackeray Satyacha Morcha : ‘मी पुरावे आणलेत, काढ तो कपडा’, राज ठाकरेंनी दुबार मतदारांचा पुरावाच दाखवला
संदेश शंकर कदम (वय 48, सध्या रा. जालगाव बर्वेवाडी, मुळ रा. हर्णे राजवाडी ता. दापोली, जि. रत्नागिरी) आणि अमोल भालचंद्र गुरव (वय 39, रा. मोठीगोडीबाव मराठी, ता. दापोली, जि. रत्नागिरी) यांचं नावं समाविष्ठ केलेली स्वहस्ताक्षरातील असलेली चिठ्ठी मिळालेली आहे. चिठ्ठीमध्ये दुबळे यांनी जमिनीच्या व्यवहारातील 40 लाख रुपये चिठ्ठीत लिहिलेल्या व्यक्तींनी दिले नसल्याच्या कारणावरुन जीवन संपवित आहे, असं लिहलं आहे. यावरून आता दापोली पोलिसांनी जयंत भागोजी दुबळे यांना संशयित संदेश शंकर कदम व अमोल भालचंद्र गुरव, यांनी आत्महत्येस प्रवृत्त केल्याच्या कारणावरुन दापोली पोलीस ठाण्यात गुन्हा दाखल करण्यात आला आहे.
Sikandar Shaikh : पंजाबमध्ये सिकंदरला अटक, आजच होता वाढदिवस; वडील रशीद शेख यांचे मोठे विधान, त्याला…
दापोली पोलिसांनी दिलेल्या माहितीनुसार गु.र.नं.201/2025 भारतीय न्याय संहिता 2023 चे कलम 108, 3(5) प्रमाणे आज शनिवारी रोजी हा गुन्हा दाखल करण्यात आला असून गुन्ह्यातील आरोपीत यांना आजच अटक करण्यात आली आहे. गुन्ह्याचा पुढील तपास सहाय्यक पोलीस निरीक्षक पूजा हिरेमठ करीत आहेत. जयवंत दुबळे हे उत्कृष्ट गवंडी होते. गवंडी काम करूनच त्यांनी आपला आजवर संसार केला होता. ते मनमिळावू स्वभावाचे म्हणून ओळखले जात. त्यांच्याकडे यापूर्वी वाडीचे अध्यक्षपदही होतं. अलीकडे वयोमानानुसार ते घरी असत. त्यांच्या पश्चात एक मुलगा, दोन मुली, सून, जावई आणि नातवंडे असा मोठा परिवार आहे.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा