पोलिसांनी आरोपींकडून गुन्ह्यात वापरलेले दोन पिस्तूल आणि दोन हत्यारे जप्त केली आहेत. चारही आरोपींवर गुन्हा दाखल करण्याची प्रक्रिया सुरू आहे. यातील एक आरोपी हा ज्यावेळी कृष्णा आंदेकरला मेडिकलला आणले होते त्यावेळी त्याला भेटायला गेला होता.

मिळालेल्या माहितीनुसार, मृत गणेश काळे याच्यावर हल्लेखोरांनी सहा गोळ्या झाडल्या. त्यानंतर खात्री करण्यासाठी त्यांनी गणेशवर कोयत्याने वार केले. पोलिसांच्या प्राथमिक तपासात समोर आले की, गणेशचा भाऊ समीर काळे हा वनराज आंदेकर हत्या प्रकरणात सहभागी होता. त्यानेच हत्येसाठी पिस्तुले मध्य प्रदेशामधून आणली होती. समीरसोबत आकाश म्हस्के, संगम वाघमारे आणि आबा खोंड होते. या चौघांनी धुळेमार्गे मध्यप्रदेशातून पिस्तूले आणल्याची माहिती समोर आली होती.

आंदेकर- कोमकर गँगवॉर

आयुष कोमकरची आदेंकर टोळीकडून हत्या करण्यात आली होती. त्यानंतर टोळी प्रमुख सुर्यकांत उर्फ बंडूआदेकर आणि त्याच्यासहित अनेकांना अटक करण्यात आली होती. मात्र तरीही आंदेकर टोळी सक्रिय असल्याचे गणेश काळेच्या हत्येतून दिसून आले आहे. वनराज आंदेकर हत्या प्रकरणी तुरूंगात असणाऱ्या समीर काळेचा गणेश काळे हा भाऊ आहे. त्यामुळे या हत्येमागे टोळीयुद्ध आहे का? याचा तपास पोलिस करत आहेत. गेल्यावर्षी वनराज आंदेकरची हत्या कोमकर टोळीकडून करण्यात आली होती. त्यानंतर त्या हत्येचा बदला म्हणून आयुष कोमकरची हत्या करण्यात आली. पोलिसांनी आंदेकर टोळीच्या प्रमुखाची अटकेची कारवाई केली. तरीही टोळी सक्रीय असल्यास पोलिसांसमोर आव्हान आहे.