मडगाव तेजस एक्स्प्रेस मधून कुडाळ ते ठाणे असा प्रवास करणारे प्रवासी श्रेयस पटवर्धन यांनी प्रवासादरम्यान नाश्ता आणि जेवणासाठी नियमानुसार पैसे भरले. मात्र नाश्त्यामध्ये बिस्किटाचा पुडा आणि जेवणामध्ये अन्य पदार्थ दिल्याने त्यांनी ‘एक्स’सह ‘पीजी पोर्टल’वर तक्रार दाखल केली होती. तक्रारीची पडताळणी केली असता, तथ्य आढळून आले. यामुळे कंत्राटदारावर दंड ठोठावण्यात आला. तसेच सक्त ताकीद देण्यात आली, असे आयआरसीटीसीच्या पश्चिम विभागाचे समूह महाव्यवस्थापक गौरव झा यांनी ‘मटा’शी बोलताना सांगितले.
Mumbai News: वरळी-शिवडी उन्नत मार्गातील प्रकल्पग्रस्तांना मोठा दिलासा; प्रभादेवीच्या 83 चाळकऱ्यांना मिळणार म्हाडाचं घर
अशा घटनांची पुनरावृत्ती रोखण्यासाठी रेल्वे प्रवास सुरू होण्यापूर्वी रेल्वेगाड्यांमधील पर्यवेक्षकाकडून तपासणी करावी आणि त्याचा अहवाल रोज पाठवावा, अशा सूचना संबंधितांना देण्यात आल्याचे अधिकाऱ्यांनी सांगितले.
India Maritime Week 2025: वाढवणमुळे १२ लाख रोजगार निर्माण होणार; केंद्रीय नौवहन मंत्री सर्वानंद सोनोवाल यांचा दावा
प्रवाशाने ‘रेल मदद’वर तक्रार केली असता, संबंधित प्रवाशांना भेटून तक्रार सोडवण्यात आली, असे सांगून तक्रार परस्पर बंद करण्यात आली. पीजी पोर्टल वरील तक्रारीची दखल घेण्यात आली. त्यानंतर एकात्मिक तक्रार निवारण यंत्रणेकडून संबंधित कंत्राटदाराला दंड ठोठावण्यात आला. तसेच सक्त ताकीद देण्यात आली, अशी माहिती देत गुरुवारी तक्रारीचे निरसन झाल्याचे जाहीर केले.