मिळालेल्या माहितीनुसार, वैशालीचे लग्न १० मे २०२३ रोजी तळोजा येथील नावडे गावात राहणाऱ्या उमेश पवार याच्याशी झाले होते. लग्नावेळी पती व सासरकडील नातेवाईकांच्या मागणीनुसार वैशालीच्या कुटुंबाने अडीच लाख रुपयांचा हुंडा व सोन्याचे दागिने दिले होते. मात्र तरीही कारखरेदीसाठी माहेरहून आणखी एक लाख रुपये आणावेत, यासाठी वैशालीचा छळ करण्यात येत होता.
सातारा डॉक्टर मृत्यूप्रकरणी ‘मार्ड’कडून आंदोलनास्त्र; आज निदर्शने, २ नोव्हेंबरला मेणबत्ती मोर्चा
मात्र त्यानंतरही वैशालीचा पती उमेश पवार, सासू अरुणा पवार, सासरे रमेश पवार, नणंद सोनू राठोड, दुसरी नणंद नेहा राठोड व मेहुणा कृष्णा राठोड हे सर्वजण तिला पैशांसाठी सतत छळत होते. पती व नातेवाईकांकडून सतत होणारी मारहाण, शिवीगाळ आणि आर्थिक छळामुळे वैशाली मानसिकदृष्ट्या खचली होती. याच छळाला कंटाळून वैशालीने मंगळवारी सकाळी ९ वाजण्याच्या सुमारास नावडे गाव येथील त्रिवेणी संकुलातील घरात गळफास घेऊन आत्महत्या केली. तळोजा पोलिसांनी घटनास्थळी धाव घेऊन वैशालीचा मृतदेह पनवेल येथील उपजिल्हा रुग्णालयात पाठवून दिला.
फलटण प्रकरणात सर्वात मोठा ट्विस्ट, डॉक्टर तरुणीसोबत काय घडलं? सुषमा अंधारेंचे विचारात पाडणारे दावे
वडिलांच्या तक्रारीनंतर गुन्हा
या घटनेनंतर वैशालीचे वडील विनायक राठोड यांनी तळोजा पोलिस ठाण्यात वैशालीच्या पतीसह सासू-सासरे, नणंद व इतरांविरोधात तक्रार दाखल केली. तळोजा पोलिसांनी बीएनएस कलम८ ०(२), ३(५) हुंडाबळी प्रतिबंधक कायद्यानुसार गुन्हा दाखल केला. तसेच पती उमेश पवार, सासरा रमेश पवार व सासू अरुणा पवार या तिघांना अटक केली.