सुषमा अंधारे नेमकं काय म्हणाल्या?

“अश्विनी बिद्रे हत्याकांड प्रकरण हे एप्रिल 2016 चं आहे. या प्रकरणात पोलीस अधिकारी अश्विनी बिद्रेची हत्या झाली होती. 11 एप्रिलला हत्या झाली होती. पण तिच्या घरच्यांना जेव्हा लक्षात आलं की, अश्विनी सापडत नाही, तिचा संपर्क होत नाही तेव्हा 15 एप्रिल 2016 ला मिसिंगची तक्रार दाखल झाली होती. पण शोध होत नव्हता. अखेर ती ज्या ठिकाणी नोकरी करत होती तिथे जावून तिचा लॅपटॉप हस्तगत करण्यात आला होता. अश्विनी बिद्रे यांचे पती आणि मुलगी यांनी अश्विनी यांचा लॅपटॉप मिळवला तेव्हा त्यांचा संशय अभय कुरुंदकर याच्यावर गेला. त्यानुसार पुढे एक तक्रार लक्षात आली.””11 एप्रिलला अश्विनीची हत्या झाल्याचं उघड झालं होतं. पण हत्येचा गुन्हा दाखल झाला नव्हता. गुन्हा दाखल व्हायला 1 जानेवारी 2017 उजाडला. यामध्ये अश्विनीच्या चारित्र्याबाबत बदनामी करत हा तपास अत्यंत वाईट पद्धतीने भरकवटण्यात आला. पण एका महत्त्वाच्या मुद्द्यावरुन हा तपास पुढे आला होता. अश्विनीच्या मोबाईलवरुन अभय कुरुंदकरने तिचे मेहुणे अविनाश गंगापुरे यांना व्हाट्सअपवर मेसेज टाकला होता. तिच्या मोबाईलवरुन मेसेज टाकून मी चांगली आहे. मला मानसोपचारची गरज आहे. मी बाहेर गेली आहे, असं भासवत ती जिवंत आहे ते भासवायचं होतं.”

“ज्याने हत्या केली तेच अश्विनी बिद्रे जिवंत आहे असं भासवत होते. अश्विनीच्याच मेहुण्याला मेसेज केला. त्यामध्ये How Are You असा मेसेज होता. पण त्या मसेजमध्ये U च्या ऐवजी Y लिहिला होता. पण अश्विनी तसं कधीच लिहित नव्हत्या. यानंतर ज्याच्यावर संशय आहे त्या अभय कुरुंदकरचा डेटा काढण्यात आला. त्याला जेव्हाकधी U टाइप करायचा असतो तेव्हा Y टाइप करतो, असं समोर आलं. या U आणि Y वरुन आरोपी सापडला.”

“ही स्टोरी सांगण्यामागे कारण आहे. मी पहिल्या दिवशीच म्हटलं की, फलटणची पीडित मृतक मुलीच्या हातावरचं हस्ताक्षर आणि पत्रावरचं हस्ताक्षर हे जुळत नाही. असं मी का म्हटलं? त्याचा माझ्याकडे आधार आहे. पीडितेच्या चारपाणी पत्रात 9 वेळा पोलीस निरीक्षक शब्द आला आहे. पीडितेच्या हातावर निरिक्षक असा शब्द लिहिला आहे. तसेच पीडितेचं हातावरील हस्ताक्षर आणि पत्रातील हस्ताक्षर यामध्ये फरक दिसत आहे. चारपाणी पत्रातील निरीक्षक शब्दाची र ची विलांटी दिर्घ आहे. तर तिच्या हातावरील शब्दाची पहिली विलांटी आहे. हे धक्कादायक आहे.”
पीडितेचं हातावरचं आणि पत्रावरचं हस्ताक्षर जुळत नाही? फलटण डॉक्टर मृत्यू प्रकरणात सुषमा अंधारे यांचा सर्वात मोठा दावा
“मी फार जीव तोडून मांडत आहे. मला राजकारणाशी काही देणंघेणं नाही. तुम्ही एखाद्या महिलेचं चारित्र्यहनन करताना माहिती घेतली पाहिजे. या तरुणीची हत्या की आत्महत्या? या दोन गोष्टी अधिक किचकट झाली आहे.”
सुषमा अंधारे यांनी थेट पुरावे दाखवले, रणजितसिंह नाईक निंबाळकर यांच्याविरोधात स्फोटक पत्रकार परिषद
“पीडित मुलीच्या बहिणीशी माझा संवाद झाला. टायमिंगचा विषय आहे. साधारणत: घटना घडली त्यादिवशी खूप उशिरा तिची बहीण फोन करते आणि तो फोन पोलीस उचलतात. त्यावर पीडितेची बहीण विचारते की, तुमच्याकडे फोन कसा? तर पोलीस सांगतात, तुझ्या बहिणीने सुसाईट केली आहे. ती म्हणते कसं शक्य आहे. ते टायमिंग सांगतात. हे संध्याकाळी सात वाजता झालेलं आहे. पण त्यादिवशी बहिणीने रात्री स्टेटस ठेवला होता. त्या स्टेटसला रात्री 11 वाजून 6 मिनिटांनी पीडितेने लाईक केलेला आहे. तिच्या मोबाईलवरचा हा स्क्रिनशॉट आहे. तिचा मृत्यू आधीच दाखवत असाल तर नंतर 11 वाजता हा स्टेटस लाईक कसा करते? वेळा चुकत आहेत का? की पोलीस काही लपवण्याचा प्रयत्न करत आहेत का? त्यामुळे आमचा पोलिसांवर संशय आहे.”

“अश्विनी बिद्रे प्रकरणात पोलीस अधिकारीवर आरोप होता. या वेळेलाही पोलिसांवर आरोप आहे. त्यामुळे हे छोटे बारकावे लक्षात आणून दिले पाहिजेत. ज्यांच्यावर आरोप आहे, जे आमच्या नजरेत संशयित आहेत त्यांच्याकडे तपास सोपवू नये. हा तपास उच्च न्यायालयीन समितीकडे सोपवावा”, अशी मागणी सुषमा अंधारे यांनी केली.