रागाच्या भरात असलेल्या पत्नीने पती नकुल यांचा कापडाने गळा आवळून खून केला, अशी माहिती सुरुवातीला समोर आली होती. मात्र, आता या हत्याकांडात तिचा मित्रही सहभागी असल्याचं उघड झालं आहे. पोलिसांनी अत्यंत वेगात तपासचक्रे फिरवून सत्य समोर आणलं आहे. याप्रकरणी चैताली आणि तिचा प्रियकर सिद्धार्थ पवार या दोघांनाही बेड्या ठोकल्या आहेत. 24 ऑक्टोबर शुक्रवारी पहाटे नकुल भोईर यांची गळा आवळून हत्या करण्यात आली होती. सुरुवातीला ही घटना संशयास्पद वाटत नव्हती, मात्र पोलिसांनी कसून तपास सुरू केला. तपासादरम्यान पोलिसांना नकुलची पत्नी चैताली हिच्यावर संशय आला. पोलिसांनी तिच्याकडे चौकशी केली असता, तिने हत्येची कबुली दिली आणि धक्कादायक माहिती समोर आली आहे.

फलटण प्रकरणात सर्वात मोठा ट्विस्ट, डॉक्टर तरुणीसोबत काय घडलं? सुषमा अंधारेंचे विचारात पाडणारे दावे

चैतालीने तिचा प्रियकर सिद्धार्थ दीपक पवार याला सोबत घेऊन नकुलची हत्या केल्याचं उघड झालं आहे. चिंचवड पोलिसांनी तात्काळ कारवाई करत सिद्धार्थला अटक केली आहे. पोलिसांच्या माहितीनुसार, नकुल भोईर हे पत्नी चैताली हिला ‘मद्यपान न करण्याबद्दल, परपुरुषांसोबत फिरू नकोस आणि कर्ज काढू नकोस’, अशा गोष्टी वारंवार सांगत होते. याच गोष्टींचा राग मनात धरून चैतालीने नकुलच्या हत्येचा कट रचला आणि प्रियकराच्या मदतीने तिने नकुलचा जीव घेतला. चिंचवड पोलिसांच्या तपासाने हत्येच्या घटनेमागील सत्य समोर आलं असून, या प्रकरणी पुढील कायदेशीर कारवाई सुरू आहे.

Bacchu Kadu Farmers Protest : बच्चू कडूंना धक्का! लाखोंची गर्दी पांगवावी लागणार, कोर्टाकडून महत्त्वाचे आदेश; एका तासात…

पोटचे दोन मुलं पोरकी

नकुल आणि चैताली या दाम्पत्याला दोन चिमुकली मुलं आहेत. या हत्याकांडामुळे पाच आणि दोन वर्षांची लेकरं पोरकी झाली आहेत. आई चैतालीने वडील नकुलची हत्या केली. पोलिसांनी चैतालीला अटक केली. त्यामुळे या लेकरांचं आभाळच फाटलं आहे.