संबंधित मुलगा मूळचा सातारा जिल्ह्यातील पाटण तालुक्यातील आहे. साताऱ्याजवळ वसतिगृहात राहून तो शिक्षण घेत होता. शुक्रवारी तो दिवाळी सुट्टी संपवून परत वसतिगृहात आला. मात्र, त्याने दोन दिवसांपूर्वी मध्यरात्री चिठ्ठी लिहून ती वडिलांच्या व्हॉटसॲपवर पाठवली. वडिलांनी ती दुसऱ्या दिवशी वाचली. त्या वेळी त्यांना धक्का बसला. कॉलेजवर फोन करून माहिती घेतली असता, त्यानंतर ही घटना समोर आली.

मृत मुलाला बहीण असून, तिचे एका मुलावर प्रेम आहे. मात्र, कुटुंबीयांकडून मुलीच्या प्रेमाला विरोध आहे. अशातच या मुलाचेही त्याच्यापेक्षा वयाने मोठ्या असलेल्या युवतीवर प्रेम जडले होते. कुटुंबीयांकडून आपल्या प्रेमालाही बहिणीप्रमाणेच विरोध होईल, अशी भीती त्याला वाटत होती. त्याचबरोबर अभ्यासाचा ताण यातून मुलाने चिठ्ठी लिहून आत्महत्या केली असल्याचे पोलिसांनी सांगितले.

सातारा तालुका पोलिसांनी पंचनामा करून मृतदेह जिल्हा रुग्णालयात नेला. शवविच्छेदनानंतर मृतदेह कुटुंबीयांकडे सोपवण्यात आला. हवालदार किरण निकम तपास करीत आहेत. अवघ्या १७ वर्षांच्या मुलाने आत्महत्या केल्यामुळे हळहळ व्यक्त करण्यात आली.
UAE Jackpot : अबब! 29 व्या वर्षी तरुणाला तब्बल 2403230000 रुपयांची लॉटरी, सातही आकडे जुळले, टॅक्स किती लागणार?

पिंपरीत बारावीच्या विद्यार्थ्याची आत्महत्या

दुसरीकडे, पिंपरी-चिंचवडमधील एका नामांकित कॉलेजमध्ये बारावीत शिकणारा १८ वर्षांचा विद्यार्थी सोमवारी सकाळी रावेत येथील भाड्याच्या खोलीत मृतावस्थेत आढळला. पोलिसांनी दिलेल्या माहितीनुसार, त्याने आत्महत्या केल्याचा संशय आहे. घटनास्थळी कोणतीही चिठ्ठी सापडलेली नाही. विद्यार्थ्याचा रूममेट कामावरून परत आल्यानंतर त्याने ही घटना पाहिली आणि आरडाओरडा केला. यानंतर पोलिसांना माहिती देण्यात आली.
Crime News : ही कोण रे तुझी? हॉटेलात जेवणाऱ्या तरुण-तरुणीला पोलिसाने हटकलं, नातं ऐकताच भडकून म्हणाला…
पोलिसांनी तातडीने विद्यार्थ्याच्या सातारा जिल्ह्यातील फलटण येथील पालकांशी संपर्क साधला. “त्याच्या नातेवाईकांनी पोलिसांना सांगितले की, काही दिवसांपूर्वी त्याने आपल्या पालकांना फोन करून अभ्यासाच्या तणावामुळे आपण खूप चिंतेत असल्याचे सांगितले होते,” असे एका पोलीस अधिकाऱ्याने सांगितले. हा विद्यार्थी अभ्यासात हुशार होता आणि विज्ञान शाखेत शिकत होता. पोलिसांनी या प्रकरणी अपघाती मृत्यूची नोंद केली आहे.