शुक्रवारी रात्री कुटुंब ट्रॅक्टरने कर्नाटकला निघाले

मिळालेल्या माहितीनुसार, देवदहिफळ येथील महादेव बडे हे ऊसतोड मुकादम आहेत. त्यांचा मुलगा विशाल बडे हा कर्नाटक राज्यातील बैलहोंगल तालुक्यात सोमेश्वर सहकारी साखर कारखान्याकडे ऊस वाहतुकीचं काम पाहतो. शुक्रवारी रात्री विशाल बडे हा पत्नी आरती, मुलगा अविराज आणि मुलगी आरोहीसह ट्रॅक्टरने कर्नाटकला कामासाठी संपूर्ण कुटुंबासोबत निघाले होते. यावेळी मोठा अनर्थ घडला आणि काही क्षणात होत्याचं नव्हतं झालं.
कर्जाचा सतत वाढता डोंगर, ऑनलाईन गेमिंगने आयुष्य उद्धवस्त; तरुणाचा टोकाचा निर्णय, 3 वर्षाच्या पितृछत्र हरपलं

आईच्या कुशीतून चिमुकली निसटली

रविवार सकाळी कोल्हारजवळ नाश्ता, चहापाणी करुन हे कुटुंब पुन्हा साखर कारखान्याच्या दिशेने निघालं होतं. यावेळी आरोही तिच्या आईकडे समोरील ट्रॉलीत आपल्या आईच्या कुशीत बसली होती. मात्र, काही कळायच्या आत अचानक ती आईच्या हातातून निसटली. हातातून निसटून ती पाठीमागील ट्रॉलीच्या चाकाखाली आली.

आई-वडिलांचा काळीज पिळवटणारा आक्रोश

ट्रॉलीच्या चाकाखाली आल्यामुळे आरोहीचा तिथेच जागीच मृत्यू झाला. या घटनेनंतर आई-वडिलांनी केलेला टाहो हृदय पिळवटून टाकणारा होता. आपल्या डोळ्यांसमोर त्यांच्या लेकीचा जीव गेला. एका क्षणात, डोळ्यांदेखत त्यांचा छोटासा संसार उधळला गेला. चिमुकलीला नंतर कोल्हार येथील सरकारी दवाखान्यात शवविच्छेदन झाल्यानंतर रविवारी मध्यरात्री शोकाकुल वातावरणात देवदहिफळ येथे आरोहीवर अंत्यसंस्कार करण्यात आले. या घटनेमुळे बडे कुटुंबावर तसंच देवदहिफळ गावावर शोककळा पसरली आहे. ऊसतोड कामगारांच्या स्थलांतराचा धोका आणि मुलांच्या सुरक्षेचा प्रश्न पुन्हा एकदा ऐरणीवर आला आहे.