ऑक्टोबर महिन्याच्या सुरुवातीपासून शहरात ‘नाशिक जिल्हा, कायद्याचा बालेकिल्ला’ म्हणणाऱ्या संशयितांचे व्हायरल होणारे व्हिडीओ राज्यभरात चर्चेचा विषय ठरले आहेत. सुरुवातीला पोलिसांच्या कारवाईची धास्ती, आदर आणि कुतूहल निर्माण झाले होते. परंतु, टप्प्याटप्प्याने अगदी किरकोळ गुन्ह्यांतील संशयितांची धरपकड करून त्यांना ‘फटाके किंवा फराळ’ देत ‘कायद्याचा बालेकिल्ला’ म्हणणारे व्हिडीओ समोर येण्यास सुरुवात झाली.
Nashik Politics: ‘बाहुबली’ म्हणतो, माझी चूक झाली! पसार विक्रम नागरेचा माफीनाम्याचा व्हिडीओ व्हायरल
अर्थात, कायद्यासमोर सर्व गुन्हेगार एकसारखे असले, तरी पोलिस आयुक्तालयाच्या कठोर कारवाईची ‘गरिमा’ काही पोलिस पथकांनीच कमी केल्याचा प्रत्यय एक-दोनदा आला. गुन्हे शाखेच्या अनेक ‘बड्या’ कारवायांवेळी कोणताही ‘प्रसाद’, ‘फटाके’, ‘पाहुणचार’ यासंदर्भातील व्हिडीओ समोर आला नव्हता. केवळ न्यायालयात हजर करताना संशयितांनी स्वत:हून ‘कायद्याचा बालेकिल्ला’ म्हंटल्याचे व्हिडीओ व्हायरल झाले आहेत.
Nashik News : लेकरांसोबत दिवाळी करून कर्तव्यावर रुजू होण्याआधीच पोलीस अंमलदारवर काळाचा घाला
आयुक्तालयाचा सूचक इशारा…
दिवाळीदरम्यान जुने नाशिक भागातून ‘गल्लीतल्या भाई’चा व्हिडीओ व्हायरल झाला. ‘किसके भी पास जा. मैं किसको नहीं डरता. ११२ को भी नहीं डरता’ असे म्हणत त्याने गल्लीतल्या वादातून एका वृद्ध महिलेसमोर तरुणाला धमकावले होते. त्याला पोलिस ठाण्यात आणल्यावर ‘पोलिसी खाक्या’ दाखवत फटके देतानाचा व्हिडीओ करून इन्स्टाग्रामवर अपलोड केल्याने पोलिस अंमलदार अडचणीत आला. ‘कायदा हातात घेऊ नका’, असे पोलिस आयुक्तांचे स्पष्ट आदेश असूनही ‘रील स्टार’ अंमलदाराने ‘दबंगगिरी’ केल्याने त्याच्या खात्यांतर्गत चौकशीचे आदेश जारी झाले आहेत. त्याला आता नियंत्रण कक्षात नेमले असून, तेथील वरिष्ठ पोलिस निरीक्षकांनाही खडसावल्याचे कळते.