पोलीस उपनिरीक्षक गोपाल बदने याने चारवेळा बलात्कार केला असून प्रशांत बनकर याने शारीरिक आणि मानसिक छळ केल्याचं हातावर लिहून फलटण उपजिल्हा रुग्णालयातील डॉक्टर तरुणीने हॉटेलमध्ये आत्महत्या केल्याची घटना उघडकीस आली आणि संपूर्ण राज्यात खळबळ उडाली आहे. अशातच मुख्यमंत्री आज फलटणमध्ये येत होते. घटनेपूर्वीच कार्यक्रमाचं नियोजन झालेलं होतं. मात्र आता उद्घाटनाचा कार्यक्रम रद्द झाला आहे.
Satara Crime: फडणवीसांनी साताऱ्यात पाऊल ठेवण्याआधी नाट्यमय शरणागती; डॉक्टर तरुणीच्या गंभीर आरोपावर PSI गोपाल बदने म्हणाला…
डॉक्टर तरुणीच्या आत्महत्येवरुन राज्यभर तीव्र प्रतिक्रिया उमटत आहेत. डॉक्टर तरुणीवर वैद्यकीय अहवाल बदलून देण्यासाठी दबाव आणला जात होता, असा आरोप देखील होत आहे. या आरोपाच्या माध्यमातून माजी खासदार रणजितसिंह नाईक-निंबाळकर यांच्याकडे अंगुली निर्देश करण्यात आला आहे. या पार्श्वभूमीवर फलटणमधील नियोजित विकासकामांचं उद्घाटन आणि कृतज्ञता समारंभावर शनिवारी सायंकाळपर्यंत अनिश्चिततेचं सावट होतं. मात्र रात्री उशिरा मुख्यमंत्र्यांचा दौरा निश्चित झाला. मात्र उद्घाटनाचे कार्यक्रम रद्द करून केवळ कृतज्ञता समारंभ होणार असल्याचं स्पष्ट झालं आहे.
Satara Crime : डॉक्टर तरुणी प्रशांतला ‘दादा’ म्हणायची, पण तिनेच मेसेजवर प्रपोजही केलेलं, बहिणीचा दावा; माझा भाऊ म्हणालेला, मॅडम…
मुख्यमंत्र्यांच्या फलटण दौऱ्यामध्ये फलटण शहर पोलीस स्टेशनच्या नव्या इमारतीचं उद्घाटन मुख्यमंत्र्यांच्या हस्ते होणार होतं. परंतु, डॉक्टर तरुणीच्या आत्महत्येप्रकरणी फलटण ग्रामीण पोलीस ठाण्यातील उपनिरीक्षकच मुख्य संशयित आरोपी असल्याने उद्घाटन कार्यक्रम रद्द करण्यात आला आहे. आता मुख्यमंत्र्यांच्या उपस्थितीत कृतज्ञता समारंभ होणार आहे. पण, हा कृतज्ञता समारंभ ज्या मैदानावर होणार आहे, त्या मैदानाच्या समोरील मधुदीप हॉटेलच्या लॉजमध्येच डॉक्टर तरुणीने आत्महत्या केली आहे.

राज्याचे उपमुख्यमंत्री अजित पवार हे देखील रविवारी सातारा दौऱ्यावर आहेत. या दौऱ्यात ते विविध कार्यक्रमांना उपस्थित राहणार आहेत. सकाळी साडे दहा वाजता हेलिकॉप्टरने त्यांचे वाई तालुक्यातील हेलिपॅडवर आगमन होईल. त्यानंतर एकसर (ता. वाई) येथे होणाऱ्या कार्यक्रमाला ते उपस्थित राहणार आहेत. यावेळी फलटणमधील घटने संदर्भात अजितदादांची प्रतिक्रिया समोर येईल.