पार्श्वभूमीवर डॉ. मुखर्जी यांनी या पाडकामाची पाहणी केली. त्यामध्ये पुलाच्या दोन्ही बाजूकडील जोडरस्त्याचे खोदकाम पूर्ण झाल्याची माहिती त्यांना देण्यात आली. त्याखेरीज या पुलाच्या रेल्वे भागावर असलेल्या मुख्य रस्त्यावरील डांबराचा थरदेखील पूर्णपणे काढण्यात आल्याचे दिसले. यासंबंधी डॉ. मुखर्जी यांनी प्रभादेवी ते परळ, असा पायी प्रवास करून या कामाची पाहणी केली. तसेच संबंधित अधिकाऱ्यांकडून कामाविषयी माहिती जाणून घेतली आणि आवश्यक त्या सूचना केल्या.
Mumbai Local Mega Block: मध्य, हार्बरवर उद्या लोकलखोळंबा; अनेक फेऱ्या रद्द, रेल्वेसेवा विस्कळीत होण्याची शक्यता
आता पुढील टप्प्यात रेल्वेची परवानगी मिळाल्यानंतर पाडकामाचे वेळापत्रक बनवून मुख्य पूल पाडला जाणार आहे. या पुलाच्या सध्याचा रेल्वेवरील भाग हा पोलादी आहे. त्यामुळे त्या पाडकामातून ९०० टन पोलादी मलबा तयार होणार आहे. तसेच पोहोचरस्त्याच्या पाडकामातून १६ हजार ३१६ घनमीटरचा सिमेंट, काँक्रिटचा मलबा तयार होत आहे. या प्रकल्पाच्या एलफिन्स्टन पुलाच्या भागातील काम वगळता उर्वरित कंत्राट खासगी कंपनीकडे आहे. हा पूल रेल्वेवरील असल्याने हे काम महाराष्ट्र रेल इन्फ्रास्ट्रक्चर डेव्हलपमेंट कॉर्पोरेशन (एमआरआयडीसी) म्हणजेच महारेलकडे सोपविण्यात आले आहे.
दिवाळी सणाला गालबोट! मुंबईत दोन दिवसांतील दुर्घटनांत दोघांचा मृत्यू, तर 28 जण जखमी
पश्चिम रेल्वेची अवाजवी मागणी
एल्फिन्स्टन रोड पूल पाडण्याचे कंत्राट महाराष्ट्र रेल्वे इन्फ्रास्ट्रक्चर डेव्हलपमेंट कॉर्पोरेशनला (महारेल) मिळाले आहे. पुलाचे अंतिम पाडकाम पूर्ण करण्यासह पश्चिम रेल्वेने महारेलकडे ५९ कोटी रुपयांची मागणी केली आहे. ही मागणी अवाजवी असून रेल्वे भागाच्या कामाच्या अपेक्षित ४० कोटी रुपयांच्या खचपिक्षा अधिक आहे, असे महारेलचे म्हणणे आहे. महारेलने यासाठी पश्चिम रेल्वेला पत्रव्यवहार, रेल्वे मंडळाच्या नियमाचा दाखला दिला आहे. सध्याच्या कामात त्याच जागेवर पुलाची पुनर्बाधणी समाविष्ट आहे. ही नवीन किंवा व्यावसायिक संरचना नाही. सार्वजनिक वाहतुकीसाठी करण्यात आलेला हा बदल असल्याचे महारेलचे म्हणणे आहे. पाडकाम विलंब पुलाच्या पुनर्बाधणीवर परिणाम करतो, असेही महारेलने स्पष्ट केले.

Ladki Bahin : 1500 रुपयांसाठी 12431 भावांनी ‘लिंग’ बदललं! महायुती सरकारला लावला चुना, 242404500 रुपये लाटले
एल्फिन्स्टन पुलाचे पाडकामाचे सविस्तर अहवाल आराखडा मागवण्यात आला होता. त्यावर पश्चिम रेल्वेकडून काही आक्षेप उपस्थित करण्यात आले होते. त्याचे उत्तर रेल्वे प्रशासनाला प्राप्त झाले आहेत. पश्चिम रेल्वे मुख्यालयातून पाडकाम पूर्ण करण्याबाबत मंजुरी देण्याची प्रक्रिया सुरू करण्यात आली आहे. – विनीत अभिषेक, मुख्य जनसंपर्क अधिकारी, पश्चिम रेल्वे