बीड जिल्ह्याच्या वडवणी येथील डॉक्टर मुलीच्या आई वडिलांनी केवळ तीन एकरावरती तिला डॉक्टर केले. तिच्या आत्महत्येच्या म्हणजे सुसाईड नोट मध्ये हातावरती लिहिलेल्या जे कोणी पोलीस उपनिरीक्षक त्याच्यानंतर तो बनकर हे तर आरोपी झालेच पाहिजेत. परंतु पीडितेच्या तक्रारीची दखल न घेणारे उपजिल्हा रुग्णालयातील जे कोणी अधिकारी जबाबदार असतील हे सगळेच्या सगळे याच्यामध्ये आरोपी झाले पाहिजेत. याची स्वतंत्र चौकशी झाली पाहिजे. हे जे सगळे आरोपी आहेत हे सगळेच्या सगळे फासा वरती लटकले पाहिजेत असं माझं मत असल्याचे सुरेश धस यांनी म्हटलं आहे.
मोठी बातमी: साताऱ्यात डॉक्टर तरुणीनं ज्याचं नाव हातावर लिहिलं तो अखेर सापडला; पुण्यात कुठे लपलेला?
फास्टट्रॅक वरती तर हा खटला चाललाच पाहिजे परंतु एसआयटी ही स्थापना यांच्यामध्ये झाली पाहिजे. पोटाला चिमटा घेऊन आमचे लोक ऊस तोडून लेकीबाळीला शिकवतात आणि त्याचा जर असे काही लोक गैरफायदा घेत असतील तर त्यांना जरब बसली पाहिजे. इथून पुढे दुसरं अशा कोणत्या डॉक्टरसोबत होता कामा नये याची संपूर्ण काळजी त्या ठिकाणी घेतली पाहिजे असं माझं मत असल्याचं धस म्हणाले.
Dhananjay Munde : ‘महिला डॉक्टर बीडची असल्यानं वरिष्ठांनी तक्रार डावलली असेल तर गंभीर’; सातारा प्रकरणावर धनंजय मुंडे काय म्हणाले?
दरम्यान, सर्वात महत्त्वाचे म्हणजे आम्ही बीडचे लोक पोटाला चिमटा घेऊन काबाडकष्ट करून, ऊस तोडून लेकरं उच्चशिक्षित करत आहेत. बीडची म्हणून कोणी हिणवत असेल तर ते सगळ्यात मोठ दुर्दैव आहे. आमचे बीडचे लोक बुद्धिमान आहेत आणि सर्व क्षेत्रात पुढे आहेत. या घटनेत जे कोणी खासदार त्यांचे पी ए असतील ते सुद्धा यात आरोपी झाले पाहिजेत. त्या लेकरावरती अत्याचार होत असताना तिने तक्रार दिली होती तिची दखल न घेणारे जे जे कोणी असतील ते या प्रकरणी दोषी आहेत.मी संपदा च्या बाजूने ठामपणे उभा आहे, असं आमदार सुरेश धस यांनी आपली प्रतिक्रिया दिली.