मी पुण्यातला पहिला महापौर आहे ज्याने महानगर पालिकेची नाही तर स्वतःच्या खर्चाची अडीच वर्षे गाडी वापरली. ती गाडी बढेकर प्रॉपर्टीजची होती मी माझ्या लोकसभेच्या प्रतिज्ञापत्रात स्पष्ट लिहिलेल आहे की मी त्यामध्ये पार्टनर आहे. त्या पार्टनरशिप मधले गाडी मी वापरली माझ्या स्वतःच्या मालकीची गाडी मी वापरली माझ स्वतःच इंधन मी वापरल्याचं मुरलीधर मोहोळ म्हणाले.

अरे बाबा इतका कृतघ्न का होता पुणेकरांना अभिमान वाटला पाहिजे एक महापौर असा झाला की त्याने स्वतःच्या खर्चाची गाडी वापरली. एक वेड लागलेला विकृत मनोवृत्तीचा माणूस रोज काहीतरी बोलतो. मी त्या माणसावर निवडणुकीमध्ये सुद्धा बोललो नाही. व्यक्तिगत द्वेष मनामध्ये आकस ठेऊन बोलत आहे. काहीतरी पोस्ट टाकतो तुम्हाला वाटतं काहीतरी सनसनाटी आहे पण सगळा बोगस कार्यक्रम सुरु आहे. त्याला आता तुम्हीच थांबवा तुम्ही त्याला विचारा बाबा कागद दाखव. हे माझं शेवटचं स्पष्टीकरण आहे मला त्या माणसाबद्दल आता परत बोलायचं नाही त्याचे अनेक प्रकरण बाहेर येत आहेत. 2011 मध्ये यांच्यावर फौजदारी गुन्हा दाखल आहे. कोथरूडमध्ये जमीन बळकवली होती. जामीन न घेता तो पळाल्याचं मोहोळ यांनी सांगितलं.
Pune News: ‘त्या’ व्हिडिओवर मुरलीधर मोहोळांचं स्पष्टीकरण, रवींद्र धंगेकरांवर केली जोरदार टीका
काल उदय सामंत यांचं स्टेटमेंट ऐकलं ते असं म्हणाले की, शिवसेनेच्या कुठल्याही नेत्यांनी असं वागलं नाही पाहिजे की, त्यातून एकनाथ शिंदे यांना त्रास होईल. आणि भाजपमधील कुठल्याच नेत्यांनी असं वागले नाही पाहिजे की त्यातून देवेंद्र फडणवीस यांना त्रास होईल. इतर ठिकाणी होणारे आरोप प्रत्यारोप आणि पुण्यात तुमचा एक माणूस पुरावे नसताना व्यक्तिगत टीका करत आहे हे थोडंसं वेगळं आहे याचा विचार उदय सामंत यांनी केला पाहिजे, असंही मोहोळ यांनी म्हटलं आहे.

दरम्यान, पुणेकरांना हे आवडत नाही म्हणूनच पुणेकरांनी विधानसभा आणि लोकसभेला त्याची जागा दाखवून दिली. लोकसभा आणि विधानसभा निवडणुकीत सुद्धा माझ्यावर आणि हेमंत रासने यांच्यावर अत्यंत खालच्या पातळीवर आरोप केले पण त्यावेळेस काय झालं आम्ही दोघेही निवडून आलो आणि या माणसाला पुणेकरांनी घरी पाठवलं. पुणेकर सुज्ञ आहेत चांगलं काय वाईट काय हे त्यांना चांगलं कळत असल्याचं मुरलीधर मोहोळ म्हणाले.