सिंधुदुर्ग जिल्ह्यात दोडावर तालुक्यातील तिलारी मुख्य पुलानजीक एक रक्ताने माखलेली कार सापडल्याने मोठी खळबळ उडाली आहे. विशेष म्हणजे या कारची नंबर प्लेटही गायब आहे. त्यामुळे या सगळ्या घटनेने पोलिसांचा संशय बळावला आहे. स्थानिकांनी पोलिसांना या घटनेची माहिती दिली.
Mumbai Crime: दहा दिवसांपूर्वी ब्रेकअप, भेटायला बोलवून ‘एक्स’वर हल्ला, तरुणाने आयुष्य संपवलं, काळाचौकीत खळबळ
अशी रक्ताने माखलेली बेवारस कार सापडली असल्याचे कळताच तातडीने दोडामार्ग पोलिसांनी घटनास्थळी धाव घेतली. गुरुवारी (24 ऑक्टोबर) सकाळी काही स्थानिक नागरिकांना धरणाच्या मुख्य पुलाजवळ ही कार दिसून आली. इतक्या अडचणीच्या ठिकाणी ही कार कशी पोहोचली, असा प्रश्न त्यांना पडला. ही कार रक्ताने माखलेली होती. त्यामुळे स्थानिकांनी या सगळ्याची माहिती तात्काळ पोलिसांना दिली. पोलिसांकडून या चार चाकी वाहनाची तपासणी करण्यात आली, त्यावेळी या कारमध्ये रक्ताचे डाग दिसून आले, त्यामुळे हे प्रकरण नेमकं काय आहे, याचं गूढ वाढलं आहे.

सध्या पोलिसांनी कार ताब्यात घेतली असून या प्रकरणाचा तपास सुरू केला आह. सध्या परिसरातील सीसीटीव्ही फुटेज तपासण्याचं काम सुरू आहे. नंबर प्लेट गायब असल्याने वाहनाच्या मालकाबाबत काहीही कळालेलं नाही. या वाहनाचा मालक कोण, नेमकं काय घडलं या सगळ्याचा शोध पोलिसांनी सुरू केला आहे. मात्र, नंबर प्लेट गायब असल्याने वाहनाच्या चेसिसवरून पोलिसांना प्राथमिक तपासात ही कार आंध्रप्रदेश येथील असल्याची माहिती मिळाली आहे. सिंधुदुर्ग जिल्ह्यातील दोडामार्ग पोलीस या प्रकरणाचा अधिक तपास करत आहेत.