या दोघांचे धक्कादायक कारनामे समोर आले आहेत. दोघेही फोनवर संपर्क साधून म्हणायचे, “तुमच्या फार्मवर अल्पवयीन जोडपे आले होते, त्यांचं अश्लील शूटिंग झालं आहे. त्यामुळे तुमच्यावर POSCO अंतर्गत गुन्हा दाखल होणार आहे. आमचे पथक पुण्यातून निघाले आहे, तुमचा फार्म सील होईल आणि तुम्हाला अटक केली जाईल,” अशा धमक्या देत ते सेटलमेंटच्या नावाखाली पैसे उकळत होते.
मोठी बातमी: मुख्यमंत्री फडणवीस-मनोज जरांगे पाटील दिसणार एका मंचावर, मराठा आरक्षणानंतर पहिल्यांदा एकत्र येण्यामागचं कारणही आहे खास….
या धमक्यांना बळी पडून वारे गावातील धनंजय म्हसे यांनी १२ हजार रुपये ऑनलाइन ट्रान्सफर केले, चेतन घुमरे यांनी १५ हजार, तर समीर कुडूसकर यांनी ५ हजार रुपये दिले. सर्व पैसे ‘आराध्या दुधासे’ या खात्यावर जमा केले जात होते.

पण, अखेर या फसवणुकीचा पर्दाफाश झाला. भूमिपुत्र फार्म संघटनेचे अध्यक्ष उदय पाटील, बिपीन लाड आणि अनिल भोसले यांनी एकत्र येऊन कर्जत पोलिसांकडे तक्रार दाखल केली. उपविभागीय पोलिस अधिकारी राहुल गायकवाड यांच्या मार्गदर्शनाखाली पोलिसांनी जलदगतीने तपास करून शुभम आणि समीर या दोघांना अटक केली आहे.

महत्त्वाचे म्हणजे, पोलिसांनी केवळ आरोपींना पकडलेच नाही, तर त्यांनी घेतलेली सर्व रक्कम परत करण्यासही भाग पाडले. या धडाकेबाज कारवाईनंतर कर्जत पोलिसांचे सर्वत्र कौतुक होत आहे. यानंतर रिसॉर्ट व्यवसायिकांनी सुटकेचा श्वास घेतला असून, स्थानिक स्तरावर पोलिसांवरील विश्वास आणखी दृढ झाल्याचे चित्र आहे. या प्रकरणाने एक गोष्ट स्पष्ट झाली आहे की तोतया वर्दीधारींचा काळ आता संपला आहे.