गुरुवारी (दि. २३) संध्याकाळी सुमारास ‘पर्ल’ इमारतीच्या १३व्या मजल्यावर एका रहिवाशाला लाल रंगाच्या फडक्यात गुंडाळलेली, पिठाच्या गोळ्याची मानवी प्रतिकृतीसदृश वस्तू दिसली. त्या व्यक्तीने तत्काळ ही माहिती सोसायटीच्या सोशल मीडिया ग्रुपवर शेअर केली. काही क्षणांतच फोटो व्हायरल झाले आणि रहिवाशांमध्ये भीतीचे वातावरण निर्माण झाले.
अलिबागमध्ये भररस्त्यात साप आणि मुंगूस भिडले, थरारक लढाई पाहून प्रवासी स्तब्ध; काहीवेळ वाहतूक ठप्प
काहींनी या वस्तूला ‘जादूटोणा’, ‘भानुमतीचा प्रकार’ किंवा कोणालातरी घाबरविण्याचा प्रयत्न असे म्हटले. विशेष म्हणजे, ही वस्तू अगदी त्याच मजल्यावर सापडली जिथे काही दिवसांपूर्वी २५ लाखांच्या सोन्याची चोरी झाली होती. त्यामुळे दोन्ही घटनांचा काही संबंध आहे का, हा प्रश्न आता सगळ्यांच्या चर्चेचा विषय ठरला आहे.
‘आमचे 60 रुपये का घेतलेस?’ चहा पित बसलेल्या 51 वर्षीय चालकाला घेरलं आणि अचानक कोयता काढून…
एका रहिवाशाने सांगितले, “आधीच चोरीच्या घटनेने सोसायटी हादरली होती, आणि आता असा अघोरी प्रकार पाहून सर्वजण अस्वस्थ झाले आहेत.” काही जणांचा अंदाज आहे की हे कृत्य अंधश्रद्धेचा परिणाम असू शकते, तर काहींना वाटते की हा केवळ लक्ष वेधून घेण्याचा दंगा असावा.
पनवेलमध्ये प्रसिद्ध मिठाई दुकानात स्वच्छतेचा बोजवारा, ग्राहकांकडून कारवाईची मागणी
सोशल मीडियावर या घटनेबाबत मीम्स, प्रतिक्रिया आणि चर्चांचा पूर आला आहे. काहींनी प्रशासनाने या घटनेकडे गांभीर्याने लक्ष द्यावे, अशी मागणी केली आहे. प्रतीक जेम्ससारख्या सुरक्षित आणि प्रतिष्ठित सोसायटीत चोरीनंतर असा ‘भानुमतीचा’ थरारक प्रकार घडल्याने परिसरात भीती आणि गोंधळाचं वातावरण आहे. रहिवासी आता पोलिस तपासाच्या निष्कर्षाकडे आणि सुरक्षाव्यवस्थेतील बदलांकडे आशेने पाहत आहेत.