जळगाव शहरात काही न्यूज पोर्टलतर्फे दिवाळीच्या एक दिवस आधी दिवाळी सुफी नाईट या शोचे आयोजन करण्यात आले होते. हे आयोजन जळगाव मुख्यालयाच्या पद्मालय सभागृहात भरवण्यात आले होते. अर्थात पोलिसांच्या डोळ्यासमोर हा कार्यक्रम आयोजित करण्यात आला होता. यावेळी एक कव्वाली सुरू होती. या गाण्यावर जळगाव शहरातील पियुष मणियार हा तरुण हातात कोऱ्या कट नोटांचा बंडल, पांढरा शुभ्र ड्रेस आणि स्वरक्षणासाठी देण्यात आलेल्या पिस्तुलाची सार्वजनिक ठिकाणी दहशत निर्माण होईल या पद्धतीने वापरत होता. हे पाहून पोलिसांनी त्याच्यावर ही कारवाई केली आहे.
मुख्यमंत्री देवेंद्र फडणवीसांचं वक्तव्य: ‘शहरी नक्षलवाद हे नव्या युगातील सर्वात मोठं आव्हान, तर काँग्रेस अल्ट्रा लेफ्टिस्ट विचारांनी ग्रस्त’
माहिती अधिकार कार्यकर्ते दीपक गुप्ता यांनी त्यांच्या फेसबुक पेजवर दिवाळी सुफी नाईट या कार्यक्रमासंदर्भातला हा व्हिडिओ शेअर केला. हा व्हिडिओ त्यांनी पोलीस महासंचालक रश्मी शुक्ला यांना पाठवला. त्यानंतर काही मिनिटातच या पियुष मणियारवर जळगाव पोलिसांनी गुन्हा दाखल केला. खरंतर हा कार्यक्रम सुरू होता त्यावेळी पोलीस यांच्यासमोर हा कार्यक्रम सुरु होता. यात पियुष मणियार हा पांढरे शुभ्र कपडे परिधान करून नोटांची उधळण करीत होता आणि गाण्यावर नाचत होता. मात्र, त्याच्या कंबरेला पोलिसांनी अधिकृत संरक्षणासाठी दिलेल्या पिस्तुलाचे प्रदर्शन सार्वजनिक ठिकाणी प्रदर्शन करत होता. अर्थात परवाना देताना त्या त्याबद्दलचे नियम माहित असतानादेखील मोठ्या रुबाबात तो प्रदर्शन करत असल्याने त्याच्यावर हा गुन्हा दाखल करण्यात आला आहे, अशी माहिती पोलिसांनी दिली आहे.

पोलीस निरीक्षक प्रदीप ठाकूर यांच्या फिर्यादीवरून पियुषवर जिल्हा पोलीस ठाण्यात भारतीय शस्त्र अधिनियम, 1959 कलम 30 महाराष्ट्र पोलीस अधिनियम, 1951 कलम 135 प्रमाणे गुन्हा दाखल करण्यात आलेला आहे. सदर प्रकरणाचा पुढील तपास सहाय्यक पोलीस निरीक्षक गोपाल देशमुख करत आहेत.