आमदार विकास ठाकरे म्हणाले की, “माझ्या मतदारसंघातील एका इमारतीची फायर एनओसी गेल्या अनेक महिन्यांपासून प्रलंबित आहे. या संदर्भात मी स्वतः फायर अधिकाऱ्यांना अनेक वेळा फोन केला. मात्र, संबंधित अधिकाऱ्यांनी अर्जदारांना थेट एका दलालाकडे पाठवले. या दलालाने पैसे घेऊनही काम न केल्याने नागरिकांनी माझ्याकडे तक्रार केली.”
Divorce Case : आई-बाबा म्हातारे, डॉक्टर बायकोला पोटगी कशाला हवी? 74 हजार कमवणाऱ्या पतीचा सवाल, कोर्टाचा मोठा निर्णय
आमदार ठाकरे पुढे म्हणाले की, “मी स्वतः एका कार्यकर्त्याला त्या दलालाशी संपर्क साधायला सांगितले. संभाषणात त्या दलालाने स्पष्ट सांगितले की, ‘नागपूरमधील एनएटिपी आणि फायर विभागातील सर्व मोठ्या लोकांचे काम मीच करून देतो. कोणतेही अडचणीचे काम असले तरी मी करून देतो.’ यावरून स्पष्ट होते की सामान्य नागरिकांच्या कामात अडथळा निर्माण करून दलालांच्या माध्यमातून पैसे उकळण्याचा हा एक रॅकेट आहे. या सर्व गोरखधंद्याला प्रशासकांच्या कारकिर्दीत वाढ मिळाली आहे.”

ठाकरे यांनी दावा केला की या संपूर्ण प्रकाराचा ऑडिओ पुरावा त्यांच्या कडे आहे आणि तो लवकरच पोलिसांना सुपूर्द केला जाईल. त्यांनी मागणी केली की, “पोलिसांनी या दलालाला तात्काळ अटक करून चौकशी करावी. त्याने कोणकोणत्या अधिकाऱ्यांशी संगनमत केले आहे, कोणत्या प्रकरणांमध्ये पैसे घेतले आहेत, आणि किती लोकांची कामे या माध्यमातून झाली आहेत याचा तपशील सार्वजनिक करावा.”

ठाकरे त्यांनी आठवण करून दिली की, “2002 मध्ये अशाच प्रकारचा टॅक्स घोटाळा उघडकीस आला होता. त्यावेळी तत्कालीन आयुक्त टी. चंद्रशेखर यांनी एका रात्रीत 12 अधिकाऱ्यांना निलंबित केले होते. आजही तशीच परिस्थिती निर्माण झाली आहे. जर प्रशासनातील भ्रष्टाचारावर अंकुश ठेवला नाही, तर सामान्य नागरिकांचा विश्वास पूर्णपणे संपेल.” ठाकरे यांनी पुढे इशारा दिला की, “हा एकच ऑडिओ नाही. भविष्यात आणखी अनेक ऑडिओ आणि व्हिडिओ पुरावे समोर आणले जातील. या प्रकरणामध्ये सहभागी अधिकारी, कर्मचारी आणि दलाल यांच्यावर कठोर कारवाई न झाल्यास आम्ही रस्त्यावर उतरू.”

आमदार ठाकरे यांनी प्रशासकावर थेट टीका करत म्हणाले की, “जर प्रशासकाला या सर्व प्रकाराची माहिती नसेल, तर हे त्यांचं प्रशासनावरील नियंत्रण हरविल्याचं द्योतक आहे. गेल्या तीन वर्षांत या प्रशासकाच्या काळात नागपूर महानगरपालिकेत अक्षरशः लूट झाली आहे. नागरिकांच्या कामांसाठी दलालांचा बाजार उभा राहिला आहे. याचा हिशोब प्रशासकांनी द्यायलाच हवा.”

या आरोपांमुळे नागपूर महानगरपालिकेच्या टाउन प्लॅनिंग आणि फायर विभागात खळबळ उडाली आहे. जर अश्या घटना घळत असतील आणि प्रशासकाला माहित नसेल तर यातून हे सिद्ध होते की प्रशासकाच्या यावर नियंत्रण नाही आहे. या प्रशासकाच्या राज्यात या तीन वर्षात लूट झाली आहे, याचा जाब प्रशासकानी द्यावा. तसेच प्रकरणाची सखोल चौकशी होण्याची मागणी सुद्धा आमदार विकास ठाकरे यांनी केली आहे.